大排檔與老爺做冬@2008

欲知前提請到：聖誕派對2008@學校、Trandyland‧美亞@開倉

尋日我整左〝輕盈莎莉蛋糕〞和〝芝麻餅〞比老爺，有一半拎左回娘家，老公就拎住佢地係美亞樓下等緊我喇！老爺話上次既〝椰子圓餅〞好味，但怕熱氣。

大家解散，因為各自有飯局，我與老公隨即搭車去老爺家，我地傾下計和坐一陣就落街吃。

老爺要去大排擋吃，佢有個朋友住佢附近，上次朋友帶過佢去味道幾好，但我地行極都搵唔到果間，結果求其搵左一間。估唔到呢間味道蠻不錯，叫左5碟野，又有飯、酒、汽水，埋單都係215蚊，真係划算。

我買左個刨，老爺見到就講起家鄉菜，佢好想食，我都要花D時間先，因為我都未見過，只係老爺講，我憑空想像。

椒鹽鮮魷：炸漿適中，又唔靭。

紅燒乳鴿BB：老爺怕熱氣，老公有童年陰影，所以叫左一隻，我一人獨享，皮唔夠脆，整體都OK。

菜遠牛肉：味道冇乜特別，老公話多油。

京都骨：我記得以前係用一字骨，但而家叫親都係用豬扒整。露天大風，獻汁漿左D，又係冇乜特別。

炒花甲：辣度適中，老爺唔吃辣都食到，隻隻都有肉，大隻但唔靭。