老公盡公民責任

老公係一個好公民，因為佢每屆都會去投票，就算佢而家搬左，都會返回佢以前屋企果區投票。

今日起身老公話佢左邊膝蓋腫，尋晚已經腫左和有D痛，但佢都堅持要去投票。高達叔叔住老公以前家附近，我地差不多到投票站就電聯高達叔叔，等佢出門口去去投票，而我唔係呢區更加唔係選民，所以我就去商場睇下野。

吓~又被我搵到個水杯阿B啱用啵！我搵左好多地方都搵唔到呢類杯。

投完就搭小巴出旺角，街有好多人撞到〝Motorola〞有宣傳活動。

高達叔叔想買相機，不過，佢想左好耐，都未決定到買邊部，最後都係冇買。我地又去睇玩具和模型咁喇！行行下又食下野。

我都行到隻腳和腰有D痛，可能負磅掛，所以要減下喇！行到約6點半就坐小巴回我地家附近商場再行一陣。我睇中左對鞋，但行左幾間都冇我個size，好難得睇得啱架嘛！雖然，買唔到鞋，但我買到玩具，我仲買多一盒比阿嫂添啵！阿嫂都係米奇迷，

晚餐煮麵食，加個自併小食併盤，仲有飯後果添！老公唔鍾意吃生果，所以我與高達叔叔每人一個桃駁梨。