拉傷肩頸

上星期肩頸的痛舒緩了很多，但今個星期痛楚又加劇，尋日仲唔好彩執阿B個波時拉到肩頸條筋，肌肉即時實左好多，又唔係好郁到，唯期望一覺訓醒好無事。

今朝6點半未夠就起身，但依然痛，仲覺得個肩頸好重添！這種感覺很久沒來了，真係唔多鍾意，攪到我成個人都冇都好唔舒服。

我今日要與娣婦和肥仔十點帶阿B去〝協康會〞見〝物理治療師〞做評估，我地食完早餐就出發，詳情請到〝物理治療@協康會〞。

肥仔返晏回公司吃、娣婦請左上晝假又係回公司吃，行到咁上下就散，娣婦仲有時間可以帶埋阿B回家，我送左娣婦上車就去銀行辦D事，銀行職員好健談。佢知我結左婚冇做野就話好羨慕，仲話佢都想好似我咁！其實，家家有本難念的經啫！

之後去左吉野家買飯吃，排隊時諗一set餐咁貴，突然想起有〝麥麥〞coupon，所以就轉投〝麥麥〞懷抱勒！

我肩頸痛又飯氣供心，寫埋尋日篇Blog，就去眠一眠，由3點幾眠到5點幾，有野等住我整，仲有想整月餅，唔捨得都要起身。

我7點幾諗住開工，但老公話放工約8點會返到，所以我都係磅定晒材料，然後落街食完飯，邊睇〝家好月圓〞邊整月餅。