老公想吃粥與炒米粉

尋日問老公想食乜？又話我話事，次次都我話，我講左又話唔好，自己又唔提意，我都唔知，咁出街食喇！

食完回來我又問老公〝明天想食乜？〞，因為明天我休息。頭先出街食諗左好耐先諗到叫乜吃，價錢又唔係平，亦唔係特別好食，老公諗左一陣，今次佢有提意喇！就係想食粥和炒米粉。

今朝約左熊貓姐姐食lunch，我又拎左隻〝迷你月餅〞等佢試下，我吉士粉用晒，而且諗住約〝細番薯〞送月餅比佢，又冇細月餅盒，所以又會去〝二德惠〞一趟。

早上我見有時間，就睇下熊貓姐姐借給我的〝貓娘貓糧〞係文地寫架！突然，又走左去扭下呼拉圈，呢個比較重身，所以扭左一陣就有D痛，我都堅持扭左十幾分鐘，係冇趺過落地架！呼拉圈可以話係我強項。

今日來去都係搭港鐵，因為我與阿B一樣都要克服它。搭港鐵預時間會比較好，又唔駛行咁遠，而車費又平少少咁喇！所以之後盡可能都會搭港鐵。

頭先我臨出門口前拎埋部MP4，我想幫佢加張瑩幕保護貼，可以既話買多個套添！我怕好似上一部咁！保護好D、襟用D。趁坐港鐵有空，問下老公保護貼大約幾多錢？十、二十蚊有一塊，最貴都係三十蚊。唔問到時買貴左又話我〝豬〞架喇！

我一心諗住有時間可以去左〝二德惠〞先，然後去吃飯，但望下隻錶仲有15分鐘夠鐘，咁去睇下鞋和幫部MP4扮下靚先。

我邊睇鞋邊問下舖頭有個合適既保護貼，鞋永遠都睇唔啱心水，保護貼一係冇，一係話要cut，cut都要二十蚊，我係完美主意者cut得唔好咁點呢？再行下先，去到一間較偏僻，果然有啵！搵丫~搵丫~都唔係好啱，跟住又唔知去邊到拎咩model保護貼，我係等既期間在舖內上下打量，唉！有head hone，價錢又唔貴，咁買埋佢先。售貨員都話我部MP4牌子唔平，繼〝i-pod〞後佢係最貴。

熊貓姐姐又帶我去間新野食lunch，次次都有新地方~真係好勒！我地都係叫〝白汁磨菇雞絲〞，但我要飯，佢要螺絲粉，我飲凍柑桔檸檬，佢飲凍檸茶。呢到仲有得儲印仔，每一個餐一個印，儲夠7個就送一個餐，而飲品都有得儲印仔架！

熊貓姐姐唔知咩係〝骰仔箱〞，我帶左佢去睇，佢話呢間間中都有入去睇，但以為係精品店，咁又係呢間都冇鎖和門，只係一格格，唔多似。

我地解散後，我去左〝二德惠〞，巴馬臣碎芝士預備用來整〝麻薯波波〞架！

頭先送比熊貓姐姐既〝迷你月餅〞個盒幾大，而家就fit番D迷你月餅勒！冇野做熊貓姐姐借比我本書睇晒喇！下次可以還書。

我一早已煲好粥，老公話我知放左工，我預返咁上下時間就炒米粉，時間剛剛好，老公入門口我就炒好勒！即刻可以食得。老公係公司拎左6個梨回來，佢要食凍既，所以雪左2個入雪櫃，夜D就有生果吃喇！