物理治療@協康會

〝物理治療師〞對阿B既初步評估：

1. 
   
   全身肌肉淋、唔夠張力：所以成日會跌倒，阿媽成日話阿B唔夠鈣，
   成日都比鈣水佢飲，我問左〝物理治療師〞係與鈣係兩回事，
   鈣係骨來的，阿B係肌肉。


2. 
   
   上肢比下肢差：不能維持太耐，只得短暫爆炸力，所以間中訓落地，
   訓落地係好玩，但另一原因可能佢唔夠力，佢訓落地係有原因既。

〝物理治療師〞對策：

• 
  
  要坐多D櫈，活動範圍細D會好D。


• 
  
  要多D踎，練回膝蓋既力。

我問〝物理治療師〞肌肉淋係天生定後天？
〝物理治療師〞話係天生的，但後天都可以補救。
佢話應該都會見得阿B好密下，不過，都要等計左分先知。

上次〝職業治療師〞都話阿B肌肉淋，咁唔好再舖張墊比阿B，
但唔知阿B得唔得呢？不過，唔得都要得架喇！阿B真係問題多多。

今日阿B十點要去協康會見〝物理治療師〞，故上星期我已幫阿B請左假。
我返到去阿B都未起身，睇下佢而家成日都將隻手、腳、玩具都放入個臭屎角到，
連訓覺都係咁。我緊係巢佢起身喇！可能未訓醒問極都唔食奶，
仲好一陣落去齊齊食早餐。

我、肥仔、娣婦與阿B一齊去食早餐。

我地食完早餐就出發，但到達目的地又未夠鐘，我地就係出面公園玩一陣。

阿B玩得好開心丫！不過，一不小心撞到滑梯頂，就變成咁既樣勒！

阿B有咩唔明丫？

到咁上下就入去等陣，涼下冷氣先。我地見左冇一個鐘就走得喇！

等唔到小巴轉坐巴士，阿B今朝係屋企電梯口趴街，兩個膝蓋都紅晒！

經過A-1阿B已衝入去要買野食喇！咁等你食埋先去公園。

食剩少少又唔食，可能心急去公園玩，
玩玩下見到有得洗手就走過去，但冇左水龍頭，所以有D浪費水。
洗完手阿B就話走，可能熱得滯，都係去嘆冷氣好D。