迷你單黃黃蓮蓉~廣式月餅 (內附食譜)

我整左3次，頭2次都係傳統月餅size都失敗左，其實個食譜係冇問題，問題在於份量，因為唔知個皮和餡份量都係唔知幾多先啱。我係我既食譜庫內搵到呢個食譜，因為好耐都唔是出自何處，呢個食譜與之前的有D分別，食譜我亦都改動左少少。我懷著期待心情去整月餅，黃天不付有心有今次整傳統迷你版就成功喇！

我整左2個款，第一款比第二款個樣出D，因為第一款印模時用力較，雖然，整既過程算順利，始終未食都係好擔心。

頭先切開來賞月時，我咬左一啖，嗯~味道幾好啵！下次我要用呢個食譜去鑽研傳統size先。

迷你單黃黃蓮蓉~廣式月餅

材料：(12個迷你月餅)

咸蛋黃                           6隻 (蛋黃一分為二)

糖漿                               130克

花生油 / 粟米油            35克

菜油 / 橄欖油                8克

鹽                                   2克

梳打粉                           1克

鹼水                               2克

低筋粉                           39克+156克

餡料可用白蓮蓉或豆沙也可以，隨個人喜好。

做法：

1.          處理蛋黃，記著不要買乾蛋黃，否則不好吃，沒有漏油的效果，先將焗爐預熱160度約10分鐘，將蛋黃放入焗約5分鐘。

2.          焗好後，將米酒掃於蛋黃上，以去除腥味。

3.          將鹽、梳打粉、糖漿、花生油、菜油全部打勻，加入鹼水打至成為濃厚糖漿。

4.          加入39克低筋粉，打勻後，靜置15分鐘。

5.          將其餘低筋粉放桌上，中間開洞，將4倒入，用手搓勻，然後不停向前推，接向自己，不斷重覆。

6.          直至粉糰變成光滑狀，即為廣式月餅皮。

7.          預熱焗爐180度，然後將皮分成每個30克，餡分成每個20克，先將餡包入半隻蛋黃，搓圓，再將餡包入月餅皮，放入月餅模，壓出形狀後，掃上蛋汁，放入焗爐焗約10分鐘，至面變色即可。

小貼士：

1.          鹼水及蓮蓉可於雜貨店購買，即售紅豆，米類的糧油店，這個份量可做約12個小形月餅，加全個蛋黃月餅會較高身，不加則較矮身。

2.          月餅新鮮出爐時還是軟軟的，這時吃下口還不覺什麼特別，但待涼後，月餅皮會變得硬，讓月餅放置兩天才再吃，月餅皮就會變軟了，這就是所謂的〝回油〞，所以送禮時充記著讓月餅回油才送啊！