迷你炸鍋

今日起身一望已9點幾，立即叫老公起身返工，老公打回公司遲些返，好在四字人老闆未返。原來我電話個鬧鐘冇set今日，真係病到慒左。

起身後梳洗完又再量體溫，開機見個溫度與尋晚唔同，老公話佢尋晚訓前幫我量過，而家燒已退。醫生都話大人2、3日就痊癒，小朋友一星期到。

我十點幾收到〝協康會〞幼兒導師來電，原來今日我要帶阿B去上堂，但病到乜都忘記左，我已告知現況，我諗佢地都忘記左，因為冇人提過。

肥仔約11點來電，尋日佢問過護士，原來〝諾沃克病毒〞就算好番，病毒都會留係身體幾個月，吓~天啊！咁我可以點丫？原來肥仔記得今日要〝協康會〞上堂，尋晚見到我又忘記左講。

今日我11點幾食左個饅頭，3點幾煮左個蝦子麵，都係為左食藥而食。尋晚老公想將個寬頻搬位，今日見未搬就郁下佢，又執下書檯抺下塵，跟住又執下屋，因為之前買左和收到既禮物都未執。6點幾就肚餓，開左包餅又唔餓，食左一塊老公來電話放工，早知唔開喇！老公趕回來吃晚飯，跟住要睇〝家好月圓〞。

尋日換唔到既電炸鍋，頭先約7點上網搵到〝7-11〞tel. list，我打左去另一間就近既問，話有貨，等埋老公就立即去換，但我攪錯左個地點，搵唔到〝7-11〞，後來老公記再行多十幾分鐘有一間，因趕時間，老公又攰，所以我急步行去換，搵貨時老公已到達。

我地行回頭先攪錯地方附近食飯，老公想試果到間拉麵，每人一碗拉麵，我與老公碗拉麵差不多，加多個餃子。我碗麵都食唔晒，而餃子都係食左2隻，我諗係未病好原故，咁咪可以減下產，乘機減肥。

老公：春田招牌拉麵~蝦、蜜汁叉燒、嗚門卷、雞蛋
我：春田火辣麵~蜜汁叉燒、嗚門卷、雞蛋、蟹柳、辣泡菜

老公見到對面〝零食物語〞減價，食完就求其買左D野就走人，買左咁多野都係50蚊咋！因為好多都係十蚊幾件。

返到去已9點9已開左場，一陣上now.com睇返開頭先，老公睇睇下電視話要食脆米，佢話尋晚已想食，不過，我訓左。買既時候呢個size有款，而我買呢款貴5蚊，因為係3週年版。