迴轉式搗碎器‧電鬚刨

今、明兩日我都有野做要出街，所以尋日已通知左各單位，我呢兩日都唔可以湊阿B。

尋晚睇〝蘇 Good〞時，節目得半小時時間好趕，覺得有線時間充裕D、好睇D，但唔知點解〝聰明人〞和另一個人會係無線拍〝蘇 Good〞既呢？但又唔見左阿蘇個〝Darling~志〞啵！

今朝老公彈起身話〝點解唔叫我起身丫？〞，一向醒瞓既我個心突然驚一驚，但我明明教左鬧鐘，我無理由聽唔到架！我望下個電話，唓~而家先係7點26分都未夠鐘，跟住老公又瞓返，之後當然與平時一樣時間出門口喇！

我就9點幾起身煮早餐，又執下野攪到11點先出門口，我擔心都唔知可唔可以係人地lunch前去到〝億世通〞買〝迴轉式搗碎器〞和〝電鬚刨〞。

我離遠目送熱狗離開巴士站，若然係冷氣巴我一定會追，等左十幾分鐘就有車，過左一個站就停係燈口前唔郁，但斜路有車落條路冇問題架啵！過左2、3盞燈就郁，原來前面有交通意外。

去到下一個站時，埋線又塞車，架巴士又被架私家車橫插入嚟阻住出唔返去，都好在好快通車。雖然，路途唔係好順利，我趕得切lunch前到。下次都唔駛咁趕住去〝7-11〞換野，直頭去〝億世通〞office買就得。

鬚刨~有一年保養，背面禁個制有Timmer彈出，係用來剪髮腳架！

迴轉式搗碎器~只有7日保養，有2個送一個比阿婆用，原來係用手壓一刀片就向下，縮手刀片向上，再轉一圈，咁樣就係迴轉式，不過，平野係咁上下架嘞！

尋日晏晝又開始腸又有D攪，今日身體好好多，返到去冇野做，又手癢就整左
〝士多啤利醬曲芝士奇蛋糕〞，係將蛋加入牛油到時，兩樣野都未混合埋，睇到當時情況好恐怖，好似有好多橙皮紋咁！就諗起自己~怕怕。我就的起心肝book場打波，但想要既日子和時間都full晒！明天要早D起身book場先得。