食‧咳‧嘔‧痾@瑪嘉烈 (17-9-2008)

今晚我要去醫院接夜更，而家肥仔和娣婦係醫院照顧阿B。阿B要吊鹽水，隻手仔又慘喇！一陣回家拎件外套比自己和臭屎被比阿B。我都同老公講左今晚叫佢食自己，同埋可能呢幾晚都見唔到我，上次娣婦返晏就可以睇夜更，今個星期返早就由我來喇！我唔係到佢自己朝早要識起身。

尋晚我要整Blog，所以半夜2點幾都未訓。之前阿B唔舒服去左睇醫生〝食‧咳‧嘔‧痾@病四步曲〞，臨走都叫左阿B半夜要院一定要打比我。

之前肥仔都打過2次電話來，我知係肥仔都有D怕，怕阿B要入阮，好在都係問D野。肥仔再係2點20分到來電，最唔想既事都要發生，阿B真係要去〝港安醫院〞，肥仔叫我遲D先出門口，佢地鯕備中。

我出門口前幫老公預備好明天返工既野，又拍醒佢話佢知，跟住又通知肥仔出門口。我落到去目送唯一一架的士走離開，等左5分鐘到有的士，的士司機可能見我個樣有D愁，所以踩行油去。

我去到唔見人，醫院check未到，佢地到左就去搵護士，但而家冇大房床位，得獨立一人房要1600蚊一晚，其他野另計，雖然，有保險，但真係好貴，咁我地唯有去〝瑪嘉烈〞。

0327
我地去到〝瑪嘉烈〞急症室都唔係好多人，醫護人員都唔多。阿B冇發燒，所以唔可以好似之前咁嘈佢睇阿B先。唔知等左幾耐就去分流，護士問左幾句阿B就嘔返頭先D水，我地有自備嘔吐袋，但都唔夠阿B快，我拎毛巾去洗。

0427
洗完就見到佢地入左去，排隊等見醫生。我與娣婦都肚餓，我地去〝7-11〞食杯麵，食完回去阿B訓左，輪到肥仔去食。

0545
阿B醒左一陣就可以見醫生，娣婦去〝7-11〞拎熱水，我就抱住阿B見醫生。醫生禁阿B個肚仔，又用聽筒聽下，可能佢扭又嘔返D水，醫生話阿B咁嚴重，又有脫水象徵，問〝介唔介意阿B入院？〞，唔介意，仲要去照X-Ray睇下有冇〝肺炎〞。阿B等到差不多訓著先有得照，照完又要等人帶我地去病房。

0640
阿B又係去返上次〝兒童傳染病房 / 兒童深切治療部〞，我與肥仔係出面等娣婦，因為9點前只可以一個人，娣婦又要辦埋入院手續。

大家都不喜歡這裡，因為呢到毫無自由，出入大廈要登記，要著保護衣，不准探病，最麻煩係出入大廈都要等人開門，出都好D裡面有制禁，但入一定要裡面開先入得，仲有呢到係朝9晚9，所以以外時間出入仲麻煩。

0740
點先7點半我打電話叫老公起身，之後就與肥仔落去〝7-11〞買片，其實，係我一個去，因為肥仔要係大堂開門比我入返去。我比左佢就走，因為我有D肚痛，等車時再打比老公，都估到佢未起身。我去左〝麥麥〞買早餐，我食左個薯餅就訓，訓醒再食個包。臨訓前SMS左阿嫂，話佢知個大概情況。

頭先娣婦都講過照顧阿B既問題，我話夜更由我睇，得我唔駛返工，日頭我都可以睇埋，我可以係醫院訓，阿B訓我咪又訓。若然有野做，基本上我都唔駛訓既，冇問題！