痾‧微燒

今日有事出左街，諗住辦完事就回去睇阿B，當有空檔時打回家睇下衰豬點樣，
老豆話阿B發燒得好勁又痾，而家瞓左，之後我就告知娣婦阿B既情況。

阿媽早在星期一已話阿B發燒，但係探冇燒個人就好熱，
仲塞左一粒退燒藥，其實，粒藥應該係燒到103度，才塞半粒。
醫生話塞藥係食藥一陪功效，好在阿B冇事啫！

我辦完事後再致電回家，阿B剛食左4安奶，我與阿B講電話佢打聲都〝塞塞〞地，
老豆叫我立即回去，我身在遠處點立即返啫！我而家搭車返。

之後阿媽又打電話催我回去，又話一陣帶阿B去急症室，我叫一切待我回來再算，
我當然都有與娣婦匯報喇！佢想立即放工回來，但等我回去睇下點先，
因為佢冇晒 Annual Leave。

阿B係我返去前食左退燒藥，我幫阿B耳探99.4度，
只係微燒，頭先佢地又講得好嚴重咁！

睇下佢幾精靈~

阿B見我拎左KFC有野食，一邊恬脷一邊行來我到。

我返到去一陣就叫我開比佢睇，阿B開始對卡通電影有興趣，佢可以坐定定咁睇。

食奶都食得寸過人既，毳毳晒腳，阿婆話未見過一個咁細既小朋友成日都毳腳。