之前老公部電腦報銷了，今日老公就有部新電腦用，都係要多得肥阿哥，真係無限感激。肥阿哥咁啱有齊料砌過一部，所以佢就將用緊既部電腦平讓比老公，雖然，係用緊，但部電腦好快架！開機仲快過我部Notebook，而老公去個波網都話快過我部Notebook添！
今朝我整左〝芝士波波〞係第3次整，3次都用唔同食譜，一次比一次好外表唔錯，但仲係差D，下次我會用這個食譜再改良一下，佢地都話OK架！阿嫂話個皮都係乾左D，我下次用細D度數焗先。
今日相約去肥阿哥家會所游水，但阿B唔舒服就取消左，我地依然去左肥阿哥家玩，不過，阿嫂要去觀禮和有飲宴，就快要出門口喇！而肥仔和娣婦帶阿B回娘家做節，所以晏D就走喇！
上次送左一盒盒蛋玩具比阿嫂，原來係有2套架！阿嫂比左一套我，咁我仲有2套，睇下遲D送比人先。
上星期日我拉傷左肩頸都未好，晏晝氹阿B訓時，我又唔小心再拉傷多次，而家傷上加傷，唔郁都痛，成個梗左，打個呵欠都痛抽到條筋仲痛。晚餐得我、老公和肥阿哥食，所以好簡單煮個麵和烚D熟牛肉片吃。
今日老公打機又係玩〝Call of Duty 4〞，佢又玩到唔捨得走，原本8點幾話走，足知成11點先走。老公其中有一版有個地方過極都過唔到，於是我就幫佢玩左幾次，係我幫佢過架！係咪好犀利呢？哈~哈~
我地係咁易切左個水晶梨，再吃埋我自製既月餅應下節咁囉！
我而家心情興奮，因為明天肥阿哥、阿嫂、我、老公、肥仔、娣婦、阿B、Benz哥哥和Benz哥哥女朋友一齊去〝香港迪士尼〞玩丫！
F
回覆刪除