燃燒指數：0磅 燃燒總數：8.4磅
燒脂指數：0% 燒脂總數：0.4%
今個月初我開始醒覺，唔可以再懶懶閒咁去減肥，因為肥到我自己都有D接受唔到，老公更加唔駛講喇！我一開始肥佢就想我減，所以佢都想左好多年。佢成日都想我身型回復初相識時，但這個係冇可能，因為人大左新陳代謝慢左，就難減D。
其實，病冇人喜歡，不過，我就因病得福，天氣轉咳左好耐未好，跟手又腸胃炎，令到我胃口細左。近排天氣變得凍左，令到我喉嚨成日好似有痰，呢兩日仲好似有D咳添！
我冇跟減肥餐，所以都減得好free，有時我都會食幾塊薯片。我而家食完野都盡量唔坐，係家就做下家務~左執右執，係街就行下、散下步先回家，不過，有時和老公一起就難D，因為佢返工攰，所以都唔想佢咁辛苦陪我行。
之前睇〝肥田喜事〞，記得家輝幫肥田減肥時講過〝吸收過多糖份會致肥〞，所以我就本住這個要點，而且加埋自己諗既口訣〝收入比支出少〞，我就跟著這兩點去減。
我改左既壞習慣：
l 出街食飯戒左汽水。
l 盡量戒凍飲，以前飲什麼都要凍。
l 茶餐廳~飲〝熱可華田〞，仲要唔加糖，以前加1匙半糖。
備註：苦果餐冇野飲，我就飲自己帶既水，而且我飲水多左，個袋實有一個大水樽，比起以前半杯都冇好左好多。
早餐：饅頭或福字米粉，米粉冇落上湯湯包。
午餐：饅頭或白麵包。
晚餐：娘家煮飯就半碗飯、餸、湯，若然係自己家就都係吃白麵包。
備註：我係娘家食晚餐，都不會超過8點，然後就帶飯回去比老公吃。
早上運動：早上我就搭車回去，湊左阿B返學，就行回家。(娣婦返早果個星期)
午間運動：到阿B放學時，我就行路去接阿B放學。(娣婦返晏果個星期我都是這樣做)
晚間運動：係娘家吃完飯，就自己行路回家，有時吃完晚飯會去肥阿哥家會所做gym，然後自己行路回家。
備註：夜晚要拎埋老公個飯壺都幾重架！咁負磅行，都好既增加下負擔，咁樣行每日夾埋都有半小時至1粒鐘架！都好過冇喇！
沒有留言:
發佈留言