減肥策略

我自己諗左D減肥策略

，每次都用一個星期去試，睇下邊個方法好D，唔得既話就逐步去升級，因為年紀大左，唔可以好似後生時咁急進。

20 October 2008
老公夜放，所以我地就夜食飯，我開始夜晚唔吃飯，只係食餸和飲湯，這個星期我只係湊阿B放學，早餐吃米粉，早上又係家中跳健康操，又行路去阿B學校接放學，都可以keep住磅數，上落不大。

27 October 2008
我見效果不太理想，而這星期阿B病左冇返學，早上過左返學和返工多人時間，買完饅頭做早餐，就行路回娘家湊阿B，夜晚就回去跳約半小時健康操。我係娘家煮餸和吃晚飯，飯我都減到食半碗，然後拎飯回去比老公吃，我家晚上7點前食飯，咁就輕過上星期少少，仲可以keep住不上升。

上星期六(唔夠喉@羽毛球)，早上打過羽毛球，又只係食正餐，冇食零食，係夜晚成十點幾先去食飯，雖則係食碗麵

，但星期日上磅重差不多3磅，睇到真係唔開心，好在呢兩日都逐步回落。尋晚我同老公講呢件事，話佢知唔開心，又話佢都唔支持下我既？

我：近排冇飲汽水，又冇食薯片

，我已經好努力架喇！
老公：我知道你改左好多。
我：咁你又唔讚下我既！
老公：掌聲鼓勵。(講國語，又拍掌)

佢既國語真係笑死人。老公反問我：『你見到我食煙又唔阻止我？

』，都話戒煙唔可以咁急咯！

老公：你做多D運動。
我：我有做，仲食完野我就去執下呢樣，又整下果樣喇！
老公：你唔好坐咁多。(佢指住電腦講)
我：吓~我已經週身骨痛，仲要成日彎腰用電腦，我會死架啵！

雖然，我係肥不過我手臂係冇〝拜拜肉〞，都係多謝阿B

。我磅數未如理想，係有D灰心，不過，我會繼續努力，因為而家都仲未病好，咳比之前嚴重，鼻涕又多左

，我諗下星期先可以將行動升級。