阿媽生日@2008

今日係阿媽生日，一早講好出街食，今日決定左去隔離村間酒樓吃，時間都係平時屋企開飯時間7點。

我與老公等左好耐先有車去酒樓，所以又係最後到，佢地已點左菜，所以坐低冇耐就有得食。這間酒樓味道一般，原本係order左set野，有一條倉魚、2隻乳鴿，不過，得返一隻乳鴿，所以就轉左半隻〝貴妃雞〞，有幾個餸我想講下。

西蘭花帶子：味道好淡。
賽螃蟹：伴碟的西蘭花好鹹，望落好多水已唔多靚，食落真係好多水，蛋白又炒到好〝鞋〞，又有好多蟹肉的白色殼，不過，其他人食唔到。
蝦釀豆腐：我冇吃，阿婆話D蝦唔好吃。
豆豉蒸倉魚：我唔食魚，阿公話好食，阿嫂話OK。
梅菜扣肉：我整既色水和賣相都比它好，肥阿哥話唔好吃，肥仔就覺得可以。

士茯苓湯：湯應該係第一道菜，但頭先係食食下先至來。

湯河粉：可能飯比較硬，阿B唔食，所以就叫碗河粉比佢。

紅豆沙、馬蹄露：阿公、阿婆和老豆未埋單就回家先，所以打包回去比佢吃。

我地行回家，出左商場我發現條街地下怪怪的，點解D垃圾擺得咁整齊既呢？回頭望見到〝7-11〞就問‧‧‧

我：〝7-11〞係咪有野換丫？
阿媽：係丫~換公仔丫嘛！
我：駛唔駛咁誇丫！

我見到有條竹添啵！果條竹可以霸到好多個位。行到肥阿哥家大門，阿B就摸住Pat Pat，然後踎低，弊！唔通痾臭臭？頭先係酒樓坐唔定，同佢去完厠所就冇用片，而家阿B絕少係片到痾。發現阿B係Pat Pat位置有少少水漬，肥仔立即抱阿B回家，再擺佢係小朋友厠所，佢果然係痾臭臭。