想一想就實現

今日發生左D好神奇既野，近排我間中都會諗起一個十幾年冇見既朋友，之前搵過佢，但轉左電話，所以失去聯絡。

我帶阿B返學時見陽光咁靚，所以影低佢，但係都影得唔靚。

之後就行路回家，不過，尋晚老公話糧草已盡，所以去左〝Taste〞一轉，零食和餅乾係為老公而買，另外果D係入定貨。

跟住經過〝A-1〞就入左去買阿B最喜歡的〝朱古力包〞。

奇怪事從此開始，我見到一個貌似十多年冇見既朋友，我就望多幾眼，見個人冇反應就知唔係，個心一直在想她。經過港鐵站派左份〝明慧週報〞，仲送多件光碟，派果個人話〝好好睇，叫埋朋友一齊睇〞。

返到屋企約一小時電話響，聽筒傳來的聲音就係我十多年冇見失去聯絡既朋友，真係好神奇，我地都係傾左幾句，因為佢既生意好忙，我地約左明天見面。

今晚我煮左〝洋蔥豬扒〞和用冬菇粒碎豬肉臘腸炒甜豆，佢地都話好吃。