〝同屋住〞搬屋記~

尋日一早就打爛了老公的嘖壺，之後又坐左一架〝蟻冷〞咁慢既巴士

，所以我同老公講：「今日唔多。」，結果真係唔多好。

我地一班朋友約好了幫

〝同屋住〞搬屋，一齊吃過早餐後就

，女的負責執拾和包裝餘下的雜物、男的負責搬搬抬抬，在大家的同心協力下好快就攪掂。

〝同屋住〞亦都找了2個同事幫手，其中一個同事就載女仕們、2個小朋友、一隻狗就去新屋清潔、執拾。其他人就留在舊屋等另一個朋友到來接貨去新屋。到達新屋後同事回程預備一陣再接載他們來。

我們分工合作清潔、執拾新屋

，最後在清潔地下時，各人都脫了鞋、襪，手執一塊布齊齊

抺~抺~抺~好似〝阿信〞一樣。抺完後貨還未到，大家都坐在地上休息、傾計，新屋還有工程未整完，最重要是冷氣未裝、熱水爐裝左未整、電視未駁。老公打來已到了樓下，我地即刻洗腳穿鞋落樓，除〝同屋住〞老婆外，因為她要睇住小朋友和隻狗，因為〝同屋住〞住的層數電梯維修，所以變了有多左人 用同一部電梯，要花很多時間等電梯，所以我就提意行樓梯~都係5層啫，但〝同屋住〞老婆話唔好行樓梯要兜來兜去，最後都係等電梯。

他們已卸了一些貨在地上，我地3個女子就搬了一些東西在等電梯，由於等了很久，所以另一個朋友又回去拎多一些，但她未回來電梯已到，我就一個人搬住D上去，而另一個在看守東西。我還未放下東西，〝同屋住〞已隨後來到，我轉身走時，〝同屋住〞問我去邊，我行上一層搭電梯，但〝同屋住〞話行樓梯，大家背著2邊行，我等緊電梯時，決定都係行樓梯，因為有個識帶我行，咁一陣我又可以自己行會快過搭電梯，我立刻跑樓梯追〝同屋住〞，行樓梯真係仲快過搭電梯。之前我以為行樓梯要兜來兜去意思是每行落一層都要行去對角再落，因為這大廈是〝井字型〞，原來是一路轉一路落而矣。落到去見到2個女朋友在電梯內和其他住客，他們不斷將貨搬入電梯，最後老公就跟埋入埋電梯，這是正正式式的第一轉上貨。

我地繼續將貨搬入大堂，所以我就用雙手拎細件的東西行樓梯上。我見到其中一個女朋友搬貨入屋，跟住我行上一層幫手搬，但唔見貨又唔見另一個女朋友&老公，原來佢地有3個人，一個在上一層電梯口看守貨，老公負責將貨由電梯運送到對面的樓梯，另一個就將貨搬落下一層入屋，當然重的由老公負責搬。我去到電梯口拎我能力範圍內的貨，差不多搬完時，我與2個女朋友行樓梯落去再幫手搬，老公繼續搬餘下的，之後〝上上落落〞我都係行樓梯。搬晒野後，還有一樣等待男仕們做的，就是嵌床。

在晚飯時，當咬第一口牛仔骨時有沙，唔通剛才吃炒蜆的？再吃第二口時又有沙，在我口內吐出一粒白色東西。唉！我隻牙有野插住，但又掹唔到。我再拎粒白色野睇，唔係喎好似係隻牙的一部份

，弊啦！要去補牙喇！我自從換完恆齒後，沒有整過牙，只是洗過一次牙。之後，我都冇食野，因為冇心機。

吃過晚飯後，回新屋〝耍樂〞，因為要，結果

〝同屋住〞打和，而我與老公就一家輸2家。我們送給〝同屋住〞的入伙禮物是〝梳化〞，所以約好了明天一齊睇〝梳化〞，跟住就即刻回家洗白白，因為今日出左好多汗攪到個身濕完又乾、乾完又濕。

回到家中老公說：「剛才在馬會買波〝禁〞錯制，原本可以補償輸了的耍樂錢，但而家冇lu。」，仲有今早老公與朋友一齊搬野差些一次過夾暴4隻手指，好在縮得快，尋日真係〝黑到震〞。