老公心思※我的生日 (下集)

今日老公沒有預備〝生日禮物〞

，亦都有發生少少不愉快事，但係老公與我一齊完成了上次我不能完成的事，因為

〝德成號〞蛋卷是我兒時最愛吃的蛋卷品牌

，現時在市面上我已找不到，這

〝久遺了的味道〞很想再嘗多次，而且能買到我期待的東西。

我地食完lunch就坐巴士到〝土瓜灣〞，落車後我發覺我對鞋的底部前端〝抖涼〞。

老公：「即刻話買鞋膠。」，我：「話唔駛喇！好似上次咁用膠紙咪得囉。」，然後我地去到一間文具店搵膠紙，突然老公又話都係買雙面膠紙會好D。老公問老闆有冇拎雙面膠紙，但一時又同我講買〝AA膠〞好唔好？我就同老闆講用黎〝黐〞鞋，老闆就介紹左一隻名為〝氰基丙烯酸酯粘合劑 502〞話好掂的，老闆個仔都話佢都係用佢黎〝黐〞鞋。

我一邊等巴士一邊睇下支野點〝掂〞，當我睇到使用方法第二點：將瓶空立，用針在其頂端扎一小洞即可便用。弊！我〝邊樹〞有針扎一小洞丫，我地即刻折返文具店與老闆對話

，

老闆拿起交剪說：「唔緊要，剪左會好快乾。」，我見到把交剪即刻話唔好喇！我地買棉花棒塗，老闆聽到後就送左2支棉花棒比我地，老闆說：「每次開蓋塗少少，有排用。」，我緊係即刻〝唔該老闆喇！〞。老公在巴士上幫我〝黐〞鞋，但我見老公在樽內取出棉花棒時~有幾柳輕煙，老公不小心點在我的〝驚〞皮鞋上就即刻〝拿〞到變白色，老公話應該係工業用的。

落車後行了3條街去到

〝德成號〞，有個伯伯走過來，我問蛋卷有咩味道？蛋卷有3種：牛油味

、雞蛋味、椰汁味，伯伯仲話椰汁係佢地自己每日新鮮做，食完一條椰汁味蛋卷後，一個鐘內在口內仍會有椰汁味，我問老公要咩味，其實不用問我都估到，而我就選了兒時吃慣的

紅色盒(記得以前好似得紅色盒一種味)，最後就買左雞蛋味(紅色盒)、椰汁味各1盒大盒裝(2磅)。出到門口老公話伯伯咁〝誇〞，我話做生意係咁架喇！唔通話唔好食咩！可能係誇張左D，但真係好食架喎。

原本行去坐〝叮叮〞食車仔麵，但係老公見我行到出晒汗就改坐巴士涼冷氣，老公在行去巴士站途中打電話問車仔麵的新地址。現在有堂食約有6個位，但去到full晒，在等位其間老公聽到收音機話〝天后〞有特發事發生，〝天后〞一帶路面擠塞。

老公order左：米粉、豬紅、蘿蔔、阿蘇推介~冬菇

、韮菜(送)，而

我米線、魷魚

、炸菜、牛腩筋，每一碗都會送菜。突然店內電話響起後，我與老公對望笑~聽到有人打黎問車仔麵地址。整體上味道不是太濃，仍能保留食物原有的味，很住家feel。

蘿蔔：不是好淋，但多水又甜。

炸菜：不醎又不硬，因為炸菜頭、尾通常都是硬~好味。

冬菇：阿蘇真的沒有介紹錯，真係很好味。

牛腩筋：老公就覺一般，我覺得很住家風味。

跟住我就去食買埋

〝太安樓~雞蛋仔〞

，嘩！

〝雞蛋仔〞望落去好光滑、摸落去〝滑嘟嘟〞好脆、咬落去〝外脆內軟〞，雖然，凍左都仍能保持上面3種特質~簡直Good Ah~。我地食完碗車仔麵，老公都覺飽、我就有些飽，我以為食唔晒〝雞蛋仔〞，點知食下食下唔覺就食晒~好滿足丫

，當然係我食得最多喇。

我係〝太安樓〞對面等巴士，等了一陣老公又擔心會冇車，咁我地離開去搵另一架巴士的巴士站，但搵左好耐都搵唔到，我有少少唔開心，老公你唔係做好資料搜集架咩？今日我著左少少〝掙〞的鞋行到雙腳好痛&少少抽筋。老公冇諗過由這邊走，他本想由〝紅隧〞走，但這段時間會塞車。當我地行返轉頭，在遠處見到頭先等緊的車向頭先的車站駛去，我&老公即刻跑回去剛才的車站，時間剛好。

我地在〝藍田〞下了車，再轉車去〝葵芳〞行街，我在〝Trendyland〞買了期待已久的〝米奇~12"超輕縮骨遮(5安士重)〞，因為我原有的縮骨傘的手抦已〝黐〞過很多次，前排又趺爛了現已不能再〝黐〞。原本晚餐食壽司，但係腳有點痛又好疲倦~唔想等，因為尋晚睡不着又睡不好，我早上6點幾才睡，之後仲要每一個鐘醒幾次，直到約11點就起身，所以我地就食〝麥麥〞~無所謂喇！

回到家中睇新聞話原來下午〝天后〞有特發事是有炸彈，一杖400磅重二戰遺下的巨型炸彈是由工人挖泥時發現的。警方爆炸品處理課、消防員及救護員奉召到場，並疏散居民後，至

傍晚先後兩次引爆炸彈。兩下巨響過後，這枚隱伏在港島60多年的戰時遺物成功被清除，事件中無人受傷。