回歸，我們決定與上年一樣去深圳玩，今次有2個意思一慶回歸、二是朋友的生日。我地好耐沒有一班朋友一齊外出玩，因為時間難遷就，之餘有些朋友又結了婚或有小朋友，所以今次係好難得既機會。今年的班子有一半是新一半是舊的，但上年熟路的朋友有事不能參與，所以我和另外一位朋友在去之前已做好資料搜集，我們安排好的行程是第一站〝深圳書城中心城〞、第二站〝打保齡〞、第三站〝小肥羊火鍋〞、第四站〝按摩〞、第五站〝飲茶〞、第六站〝腳底按摩&自動麻雀機〞，還在網上列印了地圖記錄了要去地方的位置，我將地圖範圍縮小在一頁紙內顯示所有位置以便攜帶，所以不是太詳細。
1 July 2007
在吃早餐的時候，由於有一位朋友明天要回香港上班，他想打保齡先，因此就將行程稍為改動變成第一站〝打保齡〞、第二站〝小肥羊火鍋〞、第三站〝深圳書城中心城〞，而第四站至第六站是沒有改變的。我們吃過早餐後，坐旅遊巴由黃岡去福田，過關十分順利
，我們就坐〝的士〞去打保齡。到達目的地後見到有很多人，雖然我們等了2個鍾，但大家都玩得很開心
。各人分數都不錯，但是每一次我都是最低分的一個，我要努力。由於打保齡的地方與小肥羊不是太遠，於是我地就行路去，由於我沒有預計是行路，所以我所列印的地圖是沒有太多大廈名稱和橫街名稱，行了很久還沒到，最後問了公安才到達目的地，全程用了1小時。大家汗流浹背
和帶著緩慢的腳步坐下，第一時間唔係叫野食，而係叫開冷氣 ~ cool。我們叫了一些小食：辣牛肉、酸瓜 ~好好味
(掛住食，忘記影相)，仲有〝金銀饅頭〞(朋友愛吃)和煎南瓜餅(女豬腳(主角)至愛)，是由體貼豬腳老公order比女豬腳食~真係sweet喇
，連平時不吃南瓜的我都覺得好吃，而且我地仲encore添，而火鍋配料包括：彈牙牛丸、少鹹貢丸、手打蛇餅墨魚丸、幼綠豆苗、靚靚羊肉、好味羊脂、〝殊殊〞金菇、肥牛牛(我至愛)。大家舉杯與壽星女祝壽完，隨即起筷，雖然肥牛是我至愛，由於肥牛都不是太肥，烚後有些靭，所以吃得不多，而麻辣鴛鴦湯底不及香港的辣，整體上都是一個豐富而歡樂的晚餐。在小肥羊與書城中間發生，主角係我老公。晚飯後，在去書城途中，我地入了一間boutique睇衫，老公&另一個朋友在外，當我地出來時就叫我們小心些，因為有好多買花的小朋友
，我同另一朋友行前，突然聽到豬腳老公叫人行開
，我轉頭一看見到有個小朋友想拉住佢，而我又見到佢拖住老婆焛來焛去，但我發覺有點不對徑，我問解唔見左我老公既？豬腳老公話佢係後面，我已經意會到咩事，我見到小妹妹雙手攬住我老公隻腳
，老公叫我拉開佢，但我怕接觸佢之後話我弄傷佢要我陪錢，我朋友見佢不潔叫我比張紙巾佢，之後就合力將小妹妹雙手拉開，點知仲有雙腳夾住我老公隻腳，最後大家一齊拉開了。當時小妹妹就好似一隻樹熊攬住我老公隻腳。
我隨即話：你甩褲丫
！
但係豬腳老公都要左焛右避，而我又行最前，不過以我老公身形係人都簡佢喇，又唔打得又唔睇得，而且身形又瘦削，加上當日身穿運動褲(易甩)。
第三站：深圳書城中心城
在網上看到〝深圳書城中心城〞係全球最大書城和24小時營業，吃過晚飯後，見小肥羊與書城都是一條直路，所以我地又徒步去，可以幫助消化，幸好晚上有少許微風，不是太熱，我地行了1小時有多，還未到目的地，但四周街燈與途人不多，大家心想是否行錯路
，突然見到一名女子由對面馬來過來，終是上前問路，我們的方向沒有錯，而且她還帶我地去，因為她現要上班的地方剛好在附近，在途中有一個朋友與她交談，得知原來〝深圳書城中心城〞只是得一間〝星光閱讀棧〞是24小時營業，其他都是在晚上10:30前關門，我內心有一點兒失望
。最後花了2個鐘時間到達目的地，大家都很疲倦地走進〝星光閱讀棧〞，店內的書籍全是讀書人看的書，有一位朋友買了一幅深圳地圖，以便日後使用，逗留了一陣便出發去下一站。今次我地坐〝的士〞，因為路程太遠。原本是去上年去過的那間~有睡眠區
，睡醒後可以再去玩，但朋友詢問過朋友介紹這間好，我地向服務員了解情況後就決定試新的，並且已幫我地預留了房間，由於上次有人帶，今次冇，我真係好似〝大鄉你出城〞~慒下慒下
。這間的技師比上一間好，他們還提意現在按2個鐘，還有一個鐘留待明天按，因為2個鐘已足夠按全身，再按多一個鐘是嘥的，我們還問他們飲茶有什麼地方介紹，他們介紹了2個地方，其中一個消費比較貴(內地人)，但是適合香港人。按摩完後，在休息區消夜時我發覺明天再按又要再比小費~咁個行程又貴左少少囉。一覺醒來，就去比人〝揼〞，今次的技師非常好，我每次都會告訴技師我的肩頸問題，可能得一個鐘的關係她真的集中按我的肩頸，而且按的位置又剛好是我的痛處，真係成個人都鬆了很多
。我地都十分滿意這間的技師的技術
。
金銀饅頭
encore香煎南瓜餅~ 好好味 (女豬腳(主角)至愛)
麻辣鴛鴦湯底~ 不辣
靚靚羊肉
肥牛牛 ~ 至愛
手打蛇餅墨魚丸
沒有留言:
發佈留言