英式燴豬扒 (內附食譜)

重新調味的〝燴豬扒〞

尋日淡味的〝燴豬扒〞

尋日阿媽買左豬扒叫我預備夜晚做餸，但係我又唔想成日都整

〝洋蔥豬扒〞，想攪攪新意思

，所以就搵cookbook 睇下有咩新攪作，係書我睇到

英國菜有〝燴豬扒〞就即刻諗起屋企樓下餐廳〝豬扒燴意粉〞，細個間中都有買外買〝豬扒燴意粉〞食，雖然轉過師父，但到而家依然都咁好食

。我就決定整

〝燴豬扒〞，當我睇到調味料要用咖哩粉與我平時食的不同，我覺得有點怪

，好在書中還有〝燴牛扒〞都係英國菜，而調味料同平時差不多，好~就將牛扒改為豬扒。

我將食譜和做法稍微改動左，因為我試過味道不夠，所以將番茄加多2湯匙、糖加多1湯匙、洋芫荽減了半湯匙。在醃方面原食譜只是用胡椒粉&鹽，但我有再加其他調味料。我在開飯前一個鍾已整好，所以我燴左33分鐘，再焗6分鐘，然後在食時再煮滾加麵粉將汁變粘稠。

這個餸賣相不錯，但我覺得味道稍為淡，而娣婦味道剛好&薯仔好好味、肥仔就茄汁味不夠、老公話紅蘿蔔好稔&好好味，並且蓋過左個汁味，所以就覺得冇什麼特別。今次都算是失敗，我要快D加油做一個〝燴豬扒~成功版〞…糕~糕~糕~

！

今晚我再將個汁調教過，用水將豬扒煮番熱，加多3湯匙番茄醬和加多少少鹽，出來既效果果然不錯，顏色都有分別，我地大家都非常滿意

。我記得肥媽講過調味跟人的份量做，但都要自己試味睇下夠唔夠味，係真架~真係要自己試味，不能盡跟食譜。

燴豬扒

食譜來自：中外小菜二佰種

材料：

豬扒                        6件

洋蔥                        1個

薯仔                        2個

紅蘿蔔                    1個

調味料：

月季葉                    1片

麵粉                        2湯匙

洋芫荽茸                1/2湯匙

番茄醬                    7湯匙

胡椒粉                    少許

糖                            2茶匙

鹽                            適量

製法：

(1)     將豬扒沈淨拍鬆，用胡椒粉、鹽、生抽、老抽、糖調味。

(2)     洋蔥去衣切片。薯仔及紅蘿蔔去皮洗淨切角。

(3)     起鑊，加油2湯匙，將牛扒煎黃盛起。

(4)     洗淨鑊，下油1湯匙爆炒洋蔥至發出香味時即盛起。

(5)     再加1湯匙油爆炒紅蘿蔔及薯仔片刻，放入有蓋煲內，再舖上牛扒，洋蔥片及月季葉。

(6)     番茄醬用2杯清水稀釋，加糖調味注入煲內，把蓋蓋好，用文火燜稔40分鐘，燜時要不時將煲搖動，以免黐底。

(7)     肉稔後將月季葉棄去，麵粉用少許清水調勻，注入煲內煮沸。上碟，撒上洋芫荽即可進食。

 

煎香了的豬扒

製作過程