777的日子

今朝娣婦返工前，我地都以為佢退左燒，點知食完奶睡醒又燒過

，但已11點幾醫生收中午1點，於是我即刻同阿B白白之後又叫醒肥仔沖涼，我地攪掂晒就叫醒老公，當時十分〝頻能〞，睇完醫生，買野食就去肥阿哥到。

阿B病情請瀏覽：http://hk.myblog.yahoo.com/jw!e4FTxkCfHxiNryF7_X3Kboo-/article?mid=670&prev=-1&next=650

肥仔&娣婦想食日本野、我想食飯、老公唔舒服想食麵，結果我地既路線圖就係去買日本野食(有飯吃)，再去買麵，然後就去肥阿哥到開餐。到了後我見餐牌的份量好似很少，所以我就同老公去隔幾間的茶餐廳買麵&飯。雖然食日本野的舖不是大，但有很多人幫襯，而且蟹籽沙律都好好味

，但不是常常都有，好似今日咁就冇得買，不過甜蛋壽司和清酒煮蜆都不錯。我地用膳中，阿B又要分一杯羹，所以我將我的飯分了少少比佢。

吃過午飯後，我地玩了一陣Wii，阿B當然睇到眼都唔眨喇！

甜蛋壽司

清酒煮蜆

伯娘〝mum mum〞

晚飯時間到了，例牌大家都係話是但，結果我決定吃公仔麵，由於之前娣婦煮〝滿漢大餐〞

香嘖嘖，比起〝滿漢杯麵〞香好多，所以

我想食〝滿漢大餐〞，於是我&老公去買，老公去到要買火腿，又要買火雞片，轉頭又要買水餃，全部都係要黎做餸，如果屋企冇麵要落街買麵煮老公一定會買其他野做餸，但若果屋企有麵就不會攪咁多野。

我好耐冇一次過煮咁多個麵，大頭蝦的我煮左麵先，應該煮餸先，阿嫂已經有幫我手，但D麵都係淋晒唔好食。肥阿哥食食下都唔食，因為D麵淋晒之餘，仲話好似係大陸食野咁，事原係唔夠咁多個食麵碗，肥阿哥要用阿嫂整蛋糕既maxing bowl黎食麵。大家睇相會覺得2碗麵賣相咁大分別，其實肥阿哥果碗賣相同我果碗係一樣，只不過食食下肥阿哥彈左一句〝好似係大陸食野咁〞，我就即刻影返一幅做紀念喇！

〝滿漢大餐〞

我的〝滿漢大餐〞

肥阿哥的〝滿漢大餐〞