豉油雞 (蘇施黃食譜) (內附食譜)

豉油雞係阿媽既拿手小菜，自小就好鍾意食，但唔知點解一路大食既幾會小左，阿媽只係係街買返黎食咋，我成日都想學整，但係成日都賴冇問阿媽點整，而且買一隻雞又貴，果日見到屋企有隻未熟既雞，心想“好想拎黎試下整豉油雞”，突然聽到阿婆話拎去整白切雞，心想“今次幾會黎喇”，我話唔好喇，成日都食白切雞，等我整豉油雞，好野~~，真係開心死我，我就即刻搵下阿蘇食譜有冇呢味餸，果然比我搵到有喎~~

今次用左1斤多d既雞和紹興酒，我落老抽多左d，所以個汁咸左d，我唔係屋企時阿媽有整，肥仔話大家都一樣，但阿媽就冇我咁咸！

豉油雞

材料：

雞                   約2斤 1/2

薑                   3片

片糖               2 塊半

生抽               少許

玫瑰露酒       少許

水

老抽

做法：

1)  把雞尾斬去。把雞洗淨，抺乾。

2)  在鑊加少許油，爆香薑片，加大量老抽、少許生抽、2塊半片糖、適量的水、少許玫瑰露酒。

3)  將雞落鑊，中火煮15分鐘，將雞反轉，再煮15分鐘，轉細火，再將雞反來反去煮至雞腍 (大概全程要用45分鐘)。如汁太杰，加熱水。

4)  將雞斬開，加汁即可上碟。