與阿嫂High Tea@風月堂

今日老公要返工，我都預左係家整下餅，然後等肥阿哥放工一齊去醫院探老豆，都預左係沉悶的一天，但世事難料，兩個電話就令沉悶變得不沉悶。

尋晚收到開心果姐姐電話，她與她的同事在我家附近打羽毛球，但她們不夠人，所以就相約我一齊打，有波打我緊係去喇！

我地打完波就去食brunch，食完又傾下計，傾到約一點就走，因為開心果姐姐約左另一班朋友去花展影相，明天我與高達叔叔都會去。

頭先個袋唔係身邊，所以就望下有冇miss call？唉~有啵！係阿嫂，原來阿嫂想問我去唔去探老豆，但而家佢探完走左上左車，阿嫂落車地方都係我家附近，所以我就相約阿嫂一齊行街。我回家擺抵羽毛球拍和裝備，就與阿嫂會合。

我見有好多boutique都未開，阿嫂話有D十二點幾開，而有D一點幾先開，我地係商場週圍行，行下行下舖頭都開得七七八八。行左2、3個鐘見有D餓，但又冇idea，有D又唔抵食，阿嫂見咁把心一橫就去〝風月堂〞，阿嫂間中都會來食野架！

我地每人order一個茶餐，原本我要熱〝柯華田〞，但呢到係冇呢樣野，阿嫂話呢到〝凍朱古力〞好飲，咁我就要杯〝熱朱古力〞喇！味道真係唔好飲，而且set杯都好靚，阿嫂話D杯有好多款，每款都好靚架！用呢set杯好有〝High Tea〞feel。

薑汁豚肉帶子石頭鍋飯：我order，我唔鍾意食薑味，雖薑味重，但都好好味，阿嫂都話OK。

海鮮Pizza：阿嫂order，估唔到幾好食，份量都唔細，食量普通既會食唔晒。

食完再行多陣，肥阿哥又未放工，又未夠鐘探病，我見都行晒就返阿嫂家等，行到半路去搭車，肥阿哥來電放工，而家都5點就等肥阿哥來載我地遊一陣車河，然後5點半齊齊去醫院探病。老豆情況都係差不多，尋日因為佢氣促，去左急症室，然後醫生就要佢入院，今日拎野去化驗，要幾日後先有結果，暫時未知咩事。

我地去左元氣買壽司做晚餐，今晚有波睇〝曼聯vs.利物浦〞，肥阿哥有個朋友都來一齊睇波，〝C7〞憑一球12碼罰球，又成為首名入球。今場〝曼聯〞就真係輸得肉酸，佢地估〝曼聯〞球員收左錢。我見〝曼聯〞輸第二球時士氣開始down，可能攪到佢地輸得咁肉酸。