肥仔‧娣婦台灣手信2009

肥仔、娣婦和朋友們係上星期四去台灣自由行，尋日晏晝3點幾就回港。我知道佢地去台灣，特意去左〝楊桃文化〞網睇書，若果有啱就copy相和資料，加以整理做左份list，以便佢地幫我購買。

我有好多書想買，雖然書不是厚裝書，但又不能太多，所以我精簡價購，揀左9本最想買既書。我諗起自己去過2次台灣，但2次都冇買書，因為果時諗唔到自己都會擁有焗爐，真係好後悔。

娣婦話有D書係太舊，佢地行左幾間先搵齊，但有2本就真係搵唔到。肥仔話D書買左放係背囊由早孭到晚好重，真係唔該晒佢地。

肥仔又送左〝鼎泰豐〞電話繩比我。

阿B都有好多手信，呢到係其中一撮，圈圈飲管娣婦係台灣搵到，香港搵唔到。

〝太陽餅〞我好鍾意食，一個人一陣就可以食半盒，呢盒就係我既手信，娣婦都試食左一件，但佢覺得冇咩特別，今日我都食左一件，冇十幾年前既〝新東陽〞咁好味，不過，之前係工展會買過〝新東陽〞既〝太陽餅〞難食過呢個好多。

這盒係買比阿媽拎返公司既太陽餅，屬〝維格〞出品。

〝鳳梨酥〞係〝九份〞買既，一出爐佢地就試食，覺得好好味，所以買左，但我就覺得麻麻，冇鳳梨味，只得烘焙味，呢盒要300幾蚊台弊。我記得呢隻packing，以前去台灣導遊話係好好味說我地買，但緊係冇幫襯佢喇！

這是維格〝鳳梨酥〞，佢地買左3款，我都試晒，其中一款冇影相，最好食就係這款，咬落微甜，食多啖就甜，但甜度可以接受，啖啖都有好濃郁鳳梨味，食完鳳梨味仍在口內。

打開個盒有張書籤寫住〝馬英九〞？肥仔話台灣政府認為這間係最好食，果真係最好吃，而且呢盒都唔平，一盒20件要500蚊台弊，係最貴，都物有所值既。

佢地仲有買〝黑橋牌〞腸比我與老公，不過，老公怕家中骰仔雪櫃唔夠凍，所以都係留在娘家大家一齊吃。之前去台灣都有買這種腸真係好好吃，真係令人回味無窮。