我與朋友的烘焙約會

今日約左去迪迪媽家烘焙，我地相識於小學，而且中學都係同學，理所當然大家既屋企人都互相認識，所以就約埋迪迪媽大細妹(迪迪大姨)和她兩個囝一個囡，有咁多人咁我地整〝鮮忌廉蛋糕〞、〝D.I.Y. ※經典聖安娜蛋撻〞就一定食得晒喇！朋友想整埋麵包，但時間唔夠，下次我地就整麵包喇！

尋晚迪迪媽和迪迪囝已係迪迪大姨家中過夜，所以就同我地一齊入去，我地相約係百佳門口等，買D材料和飲品，就搭巴士入去。

迪迪媽已在十幾年前，已外出學整蛋糕，但生左迪迪仔後就冇乜整，以前我好羨慕佢有個大焗爐和識整蛋糕。這個焗爐要用槍打火，你會見到最底有火，所以只係得下火，沒有上火的，迪迪媽學過整蛋糕阿Sir講過焗爐夠大火就會均勻，所以我諗沒有上火都冇問題。

我地擾攘左一陣就開工，我地分工合作來製作，而迪迪大姨就負責清潔部，刎忌廉、撻皮都要雪，所以攪掂晒基本野，就外出食lunch。

我地去左置樂既大快活，坐低無耐迪迪爸就來電，佢一早就外出踩單車，而家回來join我地食野。迪迪仔見到爸爸副超就立即戴起，有時又掛在衫上，見此就幫佢加埋個頭盔，就來影幅相先，仲做出勝利手勢。

迪迪仔仲問我：『我靚唔靚仔丫？』，佢不知幾開心。

迪迪爸繼續單車旅程，我問迪迪爸：『你而家踩去邊？』，頭先向東踩，而家就向北踩，咁我地7點就食飯架喇啵！佢會係開飯前回來。

頭先大家除左〝輕盈莎莉蛋糕〞未試之外，〝玉米片餅乾〞、〝榛果曲奇〞、〝法式杏仁甜餅〞都試晒，不論大小最鍾意都係〝玉米片餅乾〞，而且好快就消滅晒，所以決定食完野就去買糖粉、幼鹽和粟米片。

我地係置樂兩間惠康，都搵唔到糖粉，於是就行去華都果邊既百佳，都係冇，最後去吉之島先搵到，大家為左盒糖粉，而長征。我地行緊去吉之島時，老公就出發前來，老公車程要一小時，返到去樓下就遇到老公，即係話我地行左一粒鐘有多。

我地行回頭路，去惠康買埋其他材料，迪迪媽又要買家庭用品，係付款後，迪迪媽話條盒裝紙巾呢？又問嘟左未？條盒裝紙巾一早已給大姨生仔拎左出去，出到去迪迪媽就拎回去付款，真係攪笑又係冇人知道既，好似我尋日咁。

上次我已想夾糖，我醉翁之意不在酒，我想要個鉗，因為阿B成日去麵包舖都要個拎個鉗，我又搵唔到細鉗，朋友話佢個囝有時會買，所以我就可以慳返，等朋友比個鉗我。我唔知幾時會見到朋友，既然而家又被我見到，都係夾少少糖啫！就可以有嘞。

返到去又繼續開工，首先刎左cream先，但我大頭蝦，只係叫迪迪媽將個蛋糕一開二，迪迪媽話佢以前係一開三，到最後一層先醒覺，真係要一開三，我立即係底部再分多一層出來，哎~我成日都咁大慒。

將〝鮮忌廉蛋糕〞放左入雪櫃，就開始整〝玉米片餅乾〞，而我就〝D.I.Y. ※經典聖安娜蛋撻〞。

我等〝玉米片餅乾〞焗完就焗蛋撻。

迪迪爸真的在開餐前回到，迪迪仔好鍾意副超，我見佢咁鍾意，又同佢影下相先。

佢不停係到擺pose，笑到我地死死下。

原本今晚係煮飯吃，但加插多左樣野整，所以都係叫外賣，大家都讚同吃KFC，而個pizza就係大姨生仔去Pizza Box買，因為自取半價。迪迪爸食左野回來，不與我地吃。

第一次用呢個爐怕有咩閃失，所以邊食邊睇火。蛋撻焗左15分鐘蛋漿都係水汪汪，可能今日勞役得勁，焗爐打極火都唔著，咁唯有就靠爐餘下熱力和撻本身熱力來整熟。再回去睇裡面既蛋可以，外出既就唔得，迪迪媽再不停打火，試試下又得再焗，又係要間中去睇下。

結果有5隻中間唔熟，可能係我個皮整得厚左D，有4隻就OK，迪迪爸食左話〝好〞，迪迪仔就成隻食晒，老公就話都係咁喇！

迪迪媽擺左隻龍貓巴士係廳做擺設，老公鍾意龍貓巴士，我咪影下佢囉！

迪迪仔食撻丫！

迪迪仔騎〝黃馬〞。

嘩~pose幾老積。

迪迪仔叫我影下隻〝黃馬〞。

晚餐食得好飽，所以隔左半至一小時先吃蛋糕，好在個蛋糕OK。

迪迪仔鍾意被影，又鍾意影相，但迪迪媽話佢最意係都係影相。