香港花卉展覽2009

今日我與高達叔叔相約去係維園舉辦〝香港花卉展覽2009〞，高達叔叔每年都會去，而我今年就係第一次，老公係邊？佢緊係睡眠中喇！我係一見太陽就即黑，經今日一役皮膚黑左，照鏡個鼻多左好多雀班，真係熱死人。

開心果姐姐尋日已與朋友去左，夜晚就話我知要早D去，因為有好多人，好難影相，但高達叔叔話每年都係咁多人，次次都要等位影相，通常都要影到5、6點先走人，雖然如此都將集合時間改早一個鐘為11點。我話定比老公知會好晏先離場，肚餓就自己搵野食先。我地會合後就食早餐，約一點就去到維園。

人比想像中少，高達叔叔話以前排隊買入場卷都等好耐，今日都唔駛等。

入到去整好裝備就開始影相，影影下又分散左，唯有電聯找回，但有幾個miss call，其中一個係開心果姐姐，高達叔叔話開心果姐姐又來了，今次係陪媽媽來的。後來我地去左中後場開始影，一路影返出去，但我就一路往後影。

有人帶公仔去影相，我都諗住帶架，但又係自己無記性冇帶到囉！

有好多人係願望牆掛上願望卡。

我地約一點入到去，我影到2點鬆D部相機就冇電，我就自己行下睇下野。

行左半個鐘，又曬又攰，就通知高達叔叔我搵位坐下，佢影完就找我，咁啱我地都係開心樂園區，佢都話差不多影完，我搵到佢等佢影埋一齊走，等既時候我行左去睇攤位遊戲。

影完就行左去環保workshop，坐低聽下用樹枝和繩野，首先要聽講解，起初得我地兩個，坐坐下就全場爆滿，連老外都來整。

呢個就係我既製成品，因為我冇用，所以將全部野歸還，唔好浪費嘛！

離開維園，我與高達叔叔就行左去鵝頸橋買刺身食，呢樹係高達叔叔朋友介紹，三文魚又平又新鮮架！但我地冇買三文魚，呢間野有好多人，人流不絕，所以睇中就要立即出聲，唔係就比人買左架喇！之後就行去修頓坐小巴回去，返到去立即開餐，我覺得OK、新鮮。

食完刺身就休息一下，睇下相，為左趕回來睇獎門人，所以約7點就外出食飯。我去到商場突然有人拍我，原來係我個中學同學，我地都有4年冇見，佢而家係商場租左個短期舖位，佢今年7月會過法國結婚，5月就會過去果邊，因為佢未來老公係法國人，短期內佢都唔會回香港，我要係佢離開前聚一聚先得。臨走我都幫襯買左個環保袋，起初佢唔收我錢，我死都唔肯，最後佢打左個折比我。頭先傾一傾，所以就要買外賣回去吃，邊吃邊睇獎門人。