不喜歡都要接受

近排都有好多人問我幾時派到樓，第二次編配係上年12月尾，我估最快都要今年6月。誰不知今日傍晚收到肥阿哥電話收到信，肥阿哥話左我知派邊到，聽到後我與老公都不喜歡

，我與老公食完飯就過左去肥阿哥果邊攞信。

今次係第三次配房，亦即係最後一次，雖然我地唔鍾意

，但都要接受，若唔接受又要再等幾年，到時都未必啱心水，下星期就要去屋邨辦事處辦手續。

我地睇完封信，估計間屋係新的，換句話講即係我地係第一手住，但係間屋係冇大閘的，即係要自行加裝大閘。老公記得政府係2006年宣佈〝公屋不裝大閘〞，原因係有好多人都自行拆掉，然後換過道大閘，而2009年政府商討緊會否在未來落成的公屋安裝返大閘。

新屋不是我地想要的地方，因為係第二次配屋時，若不要就可以寫你想要邊到，但未必一定會派到，若真的派到就可以一程車就回到娘家

，但而家要車轉車才可到達，新屋的交通不太方便。我地搬去新屋後老公出門口返工時間，就係老公而家起身既時間，遲D老公再要早D起身，不過，世事起能盡如人意，我地咁樣都好過好多人，所以都唔可以奢求太多。