開心聚餐@迪迪媽家

27 March 2009

一早約左今晚有聚餐，地點就係迪迪媽家，人物就有我、迪迪媽和迪迪仔，仲有個今年7月會嫁去法國既中學同學~茜茜。

我和茜茜約左係巴士站等，然後一齊坐巴士入去，係電話到感覺佢好似好惡，但平時見面又唔係咁，見到佢就同佢講，以我性格其實係唔會同人講番，但我地識得太耐可以話乜都講得，就算係好私人既事都可以講。

我地一早決定係叫外賣，因為時間唔夠買唔到餸，茜茜話想食〝Pizza Hut〞，佢好耐冇食過，咁就一於叫它喇！

我地講左好多舊事，其中一件我都冇乜印象，講講下迪迪爸回來，迪迪媽就問迪迪爸記唔記得，居然佢記得，佢講左D重點出來，就令我想翻起。茜茜半年前回過中學母校，令佢諗起好多回憶，我諗我返去都會勾起好多回憶。

迪迪媽請教左同事朱古力慕士，尋晚佢就動工整左，整得好靚，雖然我唔吃朱古力慕士，但係我都吃左一件，因為太好味喇！我地食既時候都十點幾，所以想食多件都唔可以。

我地又睇茜茜相機內既相，係佢去法國時與Honey既生活照，平時覺得佢Honey個樣都係外國人一個，但頭先睇相發現佢Honey好似〝Tom Hanks〞，迪迪媽話都覺似唔知邊個明星，我一講左佢就話〝係丫〞，茜茜都話好多人都係咁講。

今晚好開心，好耐都冇笑得咁開懷，而且咩都可以講，又唔駛避諱，真係Free，迪迪仔又幫我地影左好多相。

密密砌~

影影下佢伸隻腳過嚟要影。

呢個就係迪迪仔既玩具箱嘞！

我係一個〝劍客〞。

迪迪爸叫迪迪仔執返D野，點知迪迪仔失平衡~墜馬。

我地唔比相機佢影相，佢立即咁既樣，我地冇人理佢，冇耐佢就拎紙巾抺眼淚，之後又發脾氣好大力執玩具，我地都係唔理佢，最後佢見我地睇相，佢又走過來睇。

呢兩張都係迪迪仔影既。