80% Orange@DIY Cake

我除左鍾意煮食外，仲鍾意整下手作仔，之前經過書店見到呢D手作仔，唉！可以用來打發時間啵！但最重要係唔貴嘛！所以每次行書店都例必搵，一有啱心水就會買，但而家只買不整，製成品對於我遲D搬會麻煩，一盒盒易搬D嘛！

我一直都手癢想整，見今個月尾熊貓姐姐和開心果姐姐生日，就趁此機可以過下手癮，整來送比佢地先。近幾年大家生日都冇送禮物，只係聚埋食餐飯，但可以聚埋都係難得的事，大多都唔齊人。

我諗住整同一款，但手頭上又冇double款，就走去書店睇下，咁我就買左2盒同款既〝不織布蛋糕〞，當然會買多盒比自己喇！

這是我第一次整，但這款對於初哥來講有點難度，有D要用針將布挑成棉花狀；有D要用膠水黏，但膠水沒有內附，起初用白膠漿，但係黏唔到，要動用鞋膠先攪得掂。

今次手工真麻麻，我自己覺得有D肉酸，讀書時學過既針法都忘記，要回娘家搵返notes嚟睇，有左今次既經驗下次會好好多。

打開個盒就有齊材料、說明書和紙樣，但個紙樣我用筆印出來，因為我想keep返個original，可以留返遲D可以再整。