肥阿哥新車

今朝湊左阿B返學就回家整餅，今日的起心一次過整左3款，分別：玉米片餅乾、巧克力豆餅乾、4吋蛋白蛋糕。

我預備出門口接阿B放學前15分鐘，收到阿嫂來電，佢今日放假，以為佢想約我與阿B去街，原來佢代肥阿哥問我一陣去邊。

肥阿哥出左新車，緊係想載下我地去遊下車河喇！到我出門口時又再來電，一陣會來接我去湊阿B放學，我就係家附近等。

我地接左阿B放學再去遊車河，遊左約一個鐘就回去會所玩，然後我帶阿B回娘家，肥阿哥和阿嫂回家一陣來吃飯。

尋日我開始改變減肥計劃，所以決定每晚都係娘家吃飯。我有2個幾月冇係娘家食晚飯，換言之老公都冇住家飯食，原本今晚拎飯比佢，但後來可以趕到來一齊吃飯，一陣行回家就有個伴，不用咁獨寂喇！今晚食完飯，阿B不停黏住我，可能佢好耐冇夜晚見到我。

尋日我已買定雞扒和腸仔，預備做今晚晚餐。今晚有好多人食，所以肥仔買番茄和午餐肉來做餸，我橫掂煮開就順手煮埋，而菜係基本每餐都會有。