老豆生日@2009

今日老豆生日，晚上就會去酒樓與他食一餐飯，所以向醫生請假，由傍晚6點離開療養院，然後晚上10點前回到療養院，老豆由醫院轉左去醫院附屬的療養院。

肥阿哥5點幾就來娘家接我去療養院接老豆出院，我帶埋阿B去添啵！阿B就與肥阿哥係樓下停車場等我，我一個人上病房接老豆，然後就回家，等到咁上下時間就去酒樓。

我地7點幾就到達酒樓，在酒樓內只得我地一檯人，坐多半個鐘就開始有D人入來吃晚飯。食完飯阿嫂、肥仔和娣婦行路回家，其餘人等就坐肥阿哥車，阿媽、阿B和阿公係娘家落車，就繼續往療養院去，阿婆唔舒服留係家中。我與老公送左老豆回病房，然後call肥阿哥回來車我地回家。

明天肥仔和娣婦與朋友們去台灣自由行，要星期日先返，所以我已計劃好星期六、日帶阿B去玩，我仲叫左娣婦幫我買幾本書回來。