西貢‧青衣城

今日11點約左肥阿哥和阿嫂係娘家樓下茶餐廳一齊食早餐，因為我地會帶埋阿B去西貢〝實惠〞開倉。我和老公十點幾就回到娘家湊阿B，放左兩日假都好早起身，老公話仲攰過返工。

我地去到先知今日5點開倉就會完結，因為肥阿哥係〝實惠〞會員，之前冇check mail。開倉地方就係得望入去咁大地方，裡面都幾多人，但好似冇乜野買，可能有好野都被人買左。

我見個煲好靚，27cm特價40蚊，而且個煲可以用係電磁爐上，返到家老公先知個煲係有顏色，因為佢一直以為係普通銀色，個煲係牛奶咖啡色，蓋和煲身都有花紋，煲內係易潔添啵！

Gas爐每家必備，我見貼住特價40蚊咁抵，但老公係後面見貼住99蚊，我問左工作人員係40蚊，老公覺得工作人員唔可信，我話去到比錢唔係40蚊咪唔要囉！

我地比錢個爐真係99蚊，老公話唔要又要，佢諗下平時D爐都要百幾蚊，呢個爐原價159蚊，而且阿嫂都用緊OK架！但夜晚返到去，佢又話呢兩樣野買呢做咩呢？真係比佢激死。

跟住返回赤柱市中心，每次去西貢經過呢間Cafe都想幫襯下，今次終於有機會喇！因為問阿B佢話肚餓，買左個雞尾包比阿B，酥皮面好靚架！老公又想食就買左鮮奶包，後來我見葡撻出爐，就買左2個，我與阿嫂每人一個，葡撻好好味，但呢間麵包都唔平。

食包包週圍行，碼頭有好多艇係到做生意，我成日都想試下係到買海鮮，因為我覺得會平過街市。

離開左西貢就去左青衣城行，見有D餓老公見食粉，我地就去左別府。

食完又行下，肥阿哥想去〝OTO〞或〝OSIM〞睇下，佢見到〝OTO〞有張按摩墊，可以舖係櫈到用，試左佢覺得OK，跟手又去睇按摩椅，佢試到個樣好舒服唔願走咁，之後緊係朴鎚買左按摩椅喇！阿嫂話佢想買按摩椅好耐，下星期就會送到。

我地都有試過，仲試過針對肩頸按摩機，但對我來講都係咁喇！因為我痛既位置非一般機按到。