上海街‧美亞開倉‧Green Box Karaoke

17 January 2009

今日老公要返工，但只係要十點返到芍就可以，我8點45分叫到9點25分先起身，佢係厠所出來就發脾氣〝攪咩丫，冇水既？〞，我先醒起今日9點開始冇食水，大家都忘記左，老公唯有用凍滾水梳洗，我食完麵D碗麵要夜晚先洗得。

今日真係好忙，早上11點與肥仔帶阿B去〝協康會〞上堂，跟住我就要趕回娘家，明天食團年飯我預備包春卷，今日炒定明天可以慳返D時間，再回家擺低D野，2點就要到油麻地與至Fit姐姐會合。

上次我去上海街見到有韓式石頭鍋飯既鍋，咁啱至Fit姐姐想買，所以今日我帶她去買，順便我都想去上海街買野，離開娘家時我時通知至Fit姐姐我要遲半小時，其實都唔駛遲，講多D保險D，我怕人家等我，至Fit姐姐都係剛出門。原本熊貓姐姐都來，但有D事，遲D先join我地，再夜晚我地就去唱K。

我地見過面就去醫肚先，去左〝澳門九記〞食左一餐好滿意既lunch。去到上海街，入到舖頭至Fit姐姐好開心，樣樣野都好得意，我見到佢咁開心我又好開心，因為有同道中人，我又係鍾意呢D野，大家都好雀躍，又買得好開心。

我去之前已諗定要買乜，包括〝燒臘勾〞、〝5A唧咀〞、〝Marcato曲奇槍〞。

至Fit姐姐除了買左2set韓式石頭鍋，仲有木匙、調味料盎、鑊仔，鑊仔係用來上菜用。

之後我地又向〝美亞〞開倉進發，至Fit姐姐上次已想買個煎魚煎Pan，經再三考慮今次就去帶佢回家。

我地行完熊貓姐姐剛好辦完事，就約係九龍灣等，我地睇左一陣衫，然後就去宜傢坐下。頭先試衫黏到熊貓姐姐既衫好多毛毛，之前我係宜傢都買左個轆轆，平平地順便去買個來轆衫，再諗下果到有封箱膠紙架啵！咁可以慳返用佢咪得囉！於是我與至Fit姐姐就幫手黏毛毛嘞！我見有D肚餓就去買2個熱狗餐一齊吃，食完又去梳化坐下、傾下計，又拎至Fit姐姐既戰利品影相。

今次唔食K Buffet，而家要加32蚊先有得食，又唔係好食過人認真把鬼，所以我地行去左餐廳book定位先，然後去行街睇衫，所有人到齊除開心果姐姐外，因為未放學，我地唱住K等佢。餐廳係book左位都要等，但好似冇人理我地就轉去另一個地方，到到都要等又多人，終於轉左幾個地方，搵到茶餐廳唔駛等位，我地每人叫左個煲仔飯，加多碟炒芥蘭和菜心。

Karaoke收貴而家貴左好多，人頭費$148/每位，仲要加多9蚊〝歌曲版權費〞，所以同屋住最後都係不來，因為佢2個囡計一位，而且佢老婆又唔唱歌，佢自己又好少唱。我地一入房就可以唱到明天6點，所以我地真係唱通頂。唱K點少得飲幾杯，高達叔叔食得多左D，所以〝Wing Wing地〞，佢冇同我地去食早餐。原本話飲早茶，但老公眼瞓，我地去左食粥，老公坐係到瞓左，佢食幾啖又瞓，跟住又被我鵝醒，又食幾啖，開心果姐姐話我好似阿媽咁。

呢2碟野都係1蚊，唔係咁好食，但1蚊仲想點丫！

仲有唔駛錢既宵夜和零食。