大尾督75K@九巴平治巴士

我陪老公係倒數夜當晚去左〝80M〞訂呢架巴士，尋日又收〝九巴顧客服務中心〞短信，這架巴士今日會推出，所以老公放工就去睇下有冇貨。

老公叫我收埋佢，但我專登比阿B拎一陣，整蠱老公既。阿B見到對眼好似發光咁，目不轉晴望住，仲要開來玩添！當然冇開喇！

老公到達〝80M〞已有人取貨，係到揀緊巴士，等到客人走了老公先再入去。老公睇左5架都有問題，店員有點不高興給了第6架老公睇，雖然仲有問題，但問題比頭先幾架少，雖不是完美，但都要收下。

老公話店員又係比返頭先人家reject左既佢睇，今次質素好差，有好多都有問題，窗花、上色不均勻‧‧‧，有D應該係紅色既地方，仲係車身既奶黃色，老公話係大陸製造。

九巴平治巴士~KMB Mercedes Benz

九龍巴士(一九三三)有限公司(九巴)於一九八三年至八五年間引進四十一部由德國製造的平治巴士。平治巴士車身長十一米，載客量達一百二十三人。平治巴士早期主要服務屯門公路的長途路線，其後被調派服務新界北區路線如71K、73、74A、75K76K等，直至二零零二年才全數退役。