又唔掂又難食

今日細舅母由鄉下來陪阿公和阿婆回鄉，佢地要半個月後先回來。今晚我book左場打羽毛球，但開心果姐姐和熊貓姐姐各自有事都不能前來，得返我與阿嫂打，所以就拉埋肥仔和娣婦一齊去，但娣婦話留低阿B係家好似好慘咁啵！肥仔話唔慘有阿爺和阿嫲陪佢。

後來老公約6點來電，又講回娣婦果番話，但都冇人睇佢，你又趕唔切來，老公為左阿B就盡量放6點半，所以我地就帶埋阿B去，老公真係我地開波冇耐就到，最後都係得我、阿嫂和肥仔三人打波。

我地不停問晚餐去邊到食，大家都毫無頭緒，但有阿B係到要去D寬敞既地方，打完波都8點，呢個黃金時段度度都要等，肥仔話去〝和民〞，但又貴又唔好食，我就話去〝Pizza Hut〞，大檯排第二張，跟住去對面間餐廳睇下，唔駛等即入，阿嫂吃過話食物OK，但成日漏單和餐具，肥仔都吃過都OK既，所以我地就入左去。

我知呢間係分店開左唔係好耐，總店已開業十年以上，仲係走高檔路線，價錢都幾貴，仲好多人幫襯，點知我地試呢間分店質素會係咁，真係好失望，仲要價錢都唔平，我地埋單都四百幾蚊。

食物太多味精，老公返到屋企仲飲左罐可樂來解渴，我都飲左幾啖，大家食過後唔會再有第二次，餸名我就唔記得，但我會逐樣講。

餐包~都唔錯，幾大件，而且有香草牛油搽麵包。

酥皮忌廉湯~我地全部都係叫附酥皮忌廉湯既餐，但個酥皮好求其，放得唔靚歪埋一邊，平時果D貼得個碗會好實，呢D一撩就起，cover個碗唔太多，個碗已經係細架喇！湯份量仲要係個碗一半。

意式焗豬扒飯~娣婦專登order與阿B一齊吃，焗野一向都係最遲來，點知今次係最快到，娣婦話酸左D，我地食得咁酸都話酸，咁就真係好酸。

燒春雞+羊扒~阿嫂和肥仔都叫呢個餐，我怕唔夠吃，阿嫂將佢半隻雞分一半比我。我以為一隻燒春雞，所以要阿嫂半隻，到阿嫂切左比我，再望真D其實係得半隻。

肥仔：麻麻，燒春雞是緊緊熟，切羊扒時內裡係唔熟，只係表面煎過而矣，叫人拎入廚房再煎。
阿嫂：羊扒OK，燒春雞我吃到一半已見到唔熟，頭先見阿嫂切燒春雞比我時，望到好似有血，叫阿嫂睇下佢果半邊，真係唔熟，阿嫂就吃左熟既少少，但阿嫂話唔駛再整熟佢，但我都同經理講聲，叫佢叫廚房下次煮熟D。

咖哩豬扒飯~老公order呢個係全餐最好食，佢想食咖哩牛腩，肥仔上次吃過好難食。成個碗都係豬扒，仲夾雜埋公仔麵，我地每人食一件，都有食剩，汁又好味。

西冷牛柳+大蝦~我已預左牛柳好細，所以都跟定飯。大家都被塊牛柳嚇親，我都知係會細件，但唔駛細成咁丫嘛！仲細過我手掌，而厚度比平時既薄一半，我切左D牛比大家試，大家評語〝鞋〞、冇肉味。隻蝦就真係好大，而且有D彈牙，我都每人切左D吃。我只係記得我個餐既價錢，盛惠98蚊，加埋一成百幾蚊，真係一D都唔值。