大年初一，因時間夾唔到，所以花生比唔到老爺，已講好今日拎比佢，順便與他吃飯晚飯。
尋晚打通宵馬吊，我瞓到約5點先起身，6點叫埋老公起身，然後動身去老爺家。老公唔想叫餸食飯，可能近日食得太得野，想食清D，就揀左一間舊式既粉麵舖，舊到仲係用緊木筷子。舖頭不算大，每次經過都滿是客人，今日去到剛有人走，所以不用等就有位。
老爺覺得麻麻，而我就覺得一般，湯底唔好味，反而老公大讚，牛腩有肉味，比起上次〝大利〞好好多，但我覺得唔及上次〝澳門九記〞。老公又order左杯凍奶茶，亦都比想像中好。
辣椒油好味，呢個盎好耐都冇見過喇！
呢排真係日 日大魚大肉!! 食返清d 都好!!! 清清腸胃!!
回覆刪除[版主回覆02/02/2009 11:36:00]有時真係唔可以食得太豐富，食得多真係有D怕。
睇見就怕怕啦, 一定好辣了 ~ ~ ~
回覆刪除[版主回覆02/02/2009 22:42:00]真係夠辣，好味。