阿B上個月已開始鼻塞，跟住流鼻膏，上星期仲開始發燒，燒到103度，
燒下退下，到星期尾就冇再燒，所以呢排不停睇醫生。
尋日阿B再去覆診，夜晚肥仔來電，原來阿B係〝扁桃腺發炎〞，
仲好嚴重唔單止紅，而且有膿，而家只係紅腫，醫生寫左一星期假比阿B，
所以呢個星期阿B都放假。咁怪唔之得會發燒喇！
但點解睇咁多次先知呢？問我都唔知。
近幾個月阿B好叻仔，不用針筒食藥，轉用匙羹，當然一格藥要分羹食喇！
不過，有時佢會用雙手掩住個口，見到佢咁既動作好攪笑，
講幾講、氹氹幾佢就會乖乖食藥，只要佢食左一啖就會食晒全部藥架喇！
今日同佢落街唔捨得走。
坐低睇車先。
又係無嚟正經~
上次係〝冒險樂園〞換架！今日先拆來玩，糖我冇比佢食。
take care....
回覆刪除[版主回覆01/07/2009 10:08:00]多謝~
小朋友無啦啦發燒，多數係唔知邊度發炎，所以唔好話食退燒藥就算，要睇醫生
回覆刪除[版主回覆01/07/2009 10:20:00]所以阿B由鼻塞開始已睇醫生，所以都睇左大半個月醫生，又不停食藥，食到佢有D怕，而家情況好左好多喇！
我細個發燒, 十次有九次都係扁桃腺發炎, 炎症一日未燒, 都會不停斷斷續續地發燒, 起碼都要玩返個幾星期才可以完全康復呀 ~ ~ ~
回覆刪除[版主回覆01/07/2009 20:36:00]扁桃腺發炎真係幾麻煩，咁阿B都算好彩，都係燒左幾日。
原來阿b都同我一樣病佐. 呢排時冷時熱, 真係要小心身體啊!
回覆刪除[版主回覆01/07/2009 20:36:00]阿B而家冇乜事喇！你都要多D休息丫！
冇辨法啦...小朋友一返學..接觸多左人....就好易會病...
回覆刪除記緊比阿B飲多D水...應該好快好番架LA..
[版主回覆01/08/2009 10:36:00]小朋友返學就好易交叉感染，而家佢得返鼻塞，胃口都好左好多喇！多謝關心~
初初讀書係咁架喇,Hehe都係咁.唔好畀咁多凍嘢同甜嘢佢食呀.
回覆刪除[版主回覆01/08/2009 14:41:00]凍野就少之又少，但甜野就‧‧‧哈哈，我會盡量唔比咁多甜野佢食架喇！
今日又涼o左, 阿B要保重身體呀!!! 快 D 食埋 D 藥快 D 好返!! 飲多 D暖水， 休息多Ｄ!!!
回覆刪除[版主回覆01/09/2009 12:27:00]真係要幫佢添衣，萬一病左就慘喇！你都要添衣，今日真係凍左好多。