玩孖寶賽車@扭蛋

今日肥仔公司Annual Dinner可以攜眷出席，
所以我與阿嫂行完街就接阿B過阿嫂果邊。
頭先行街我已係A-1買定阿B鍾意食既包，佢一口氣食左2個，睇下佢幾識嘆。

伯伯放工回來又買左〝孖實兄弟扭蛋車〞比佢玩。

跟住老公放工又取回訂左既巴士，我專登比阿B睇下，
佢一見到咩到唔要，只係要巴士，仲睇到好專注添啵！

到我煮好晚餐，佢就自己食。

又食到〝大花面〞，但好乖自己食左約1碗意粉。

食完我與阿嫂係廚房，肥阿哥係書房，老公突然入來廚房，佢叫我地睇阿B，
阿B好乖自己係到玩〝孖實兄弟扭蛋車〞，我未見過佢咁乖自己係到玩。

阿B仲乜趴係地？咪伯伯囉！佢問〝阿B波波池呢？〞，
阿B好醒咁走去梳化底搵，伯娘叫佢拖伯伯過去拎，佢就嗱嗱淋照做。

我與阿嫂吹緊波波池既時候，阿B好開心又雀躍，又開心到不知所措，
佢不停咁錫伯伯，又拎D波波企係旁邊等，拎完一個又一個，場面真係笑死人。

阿B又幫手吹，吹完一個又一個，但通通已被我地吹完架喇！
阿B大D你自己吹喇！真係吹到斷氣。

好野吹完，玩得喇！

玩玩下又瞓係到。

瞓都唔夠，仲棟高腳添！咁細個就咁識嘆。