馬蹄糕@2009

今日我會整〝蘿蔔糕~混合版〞，但心中一直盤算緊蒸完蘿蔔糕應該仲有時間剩，不如整埋〝馬蹄糕 (荸薺糕) – 阿蘇〞喇！明天與老爺食團年飯，我諗住送底
〝蘿蔔糕~混合版〞比佢，再送多半底〝馬蹄糕 (荸薺糕) – 阿蘇〞比佢，上次見佢收到我親手做既月餅好開心。

今朝我湊左阿B返學，立即去街市和惠康買材料，馬蹄糕用料好簡單，但馬蹄粉一D都唔平。前年整過〝馬蹄糕 (荸薺糕) – 阿蘇〞，上年都心思思想整，但係懶冇整到，你知喇又唔係成日整，事隔都2年睇住個食譜已經唔係好記，賣相唔係咁靚，但都可以見得人既。

我蒸左2底8吋和2隻9cm，即係2大2小，上次蒸左2大4小，今次有進步，因為阿蘇個朋友好似話呢個份量係整一底架咋！我要再努力鑽研下~

煎後

蒸前