澳門九記

17 January 2009

今日晏晝我與至Fit姐姐去左上海街買野，去之前要去醫肚先。我地搵食既時候，被我發現呢間〝九記〞，唔知係咪之前阿蘇講過既〝九記〞呢？又見佢寫住〝澳門〞二字，究竟係咩一回事？我都諗住下次過香港試下〝九記〞，若然真係果間，咁就唔駛去咁遠喇！我心大心細唔知試唔試好，最後都係入左去一試。

我地都係order左〝清湯牛腩河〞和〝清湯牛腩米〞每碗都係25蚊咋！呢到都有飯食架！咖哩牛腩飯都係35蚊。我地一致都話好味，我覺得比起〝大利〞好好多。

坐低睇到牆上既雜誌訪問〝日賣限量20碗，矜貴牛爽腩〞，我都聽到有人order呢個，睇完雜誌訪問後，我諗唔係阿蘇講果間。我地差唔多食完，隔離檯剛有2個人坐低，我聽到其中一個話〝呢到咖哩牛腩都好食〞，咁下次我帶老公來試下。

牛腩~嫩、唔〝鞋〞。

蘿蔔~碗麵放在面前已聞到好香蘿蔔味，蘿蔔又甜又多水，多一舊就好喇！

湯底~好味，外出食野實有味精，但它與其他味精湯不同，味道有D似家既感覺。

清湯牛腩河~我

清湯牛腩米~至Fit姐姐

地址：九龍油麻地砵蘭街46號
電話：2771 9897
營業時間：11:00-22:30
交通：搭港鐵荃灣線在『油麻地站』下車，B2出口步行5分鐘