兩餐都好味

4 January 2009

尋晚老公預言會有事發生，因為晚上8點幾樓下有人在吵鬧，仲驚動警察到來，吵鬧既人係住我果層，仲係與自己人吵。

今早零晨3點25分被我果層鄰居與樓上的鄰居吵醒，因由係我果層鄰居全家人半夜三更都係到發牢騷，其實果一家應該精神有D問題的，因為間中都係咁吵，有時佢地自己會報警，驚動警察到來。

樓上鄰居落來討理，我見情況不妙，所以拍醒老公，我地就留意事態發展，之後又有〝食蕉〞來，擾攘左一論冇事發生散水，老公冇耐就瞓左，我差不多5點先瞓得返。

我9點就起身，因為今日約左去熊貓姐姐家打馬吊。十點熊貓姐姐來電，心想唔通要取消？原來熊貓姐姐落左街買飲品，問我地飲乜？大家都在原定時間出現，不過，開心果姐姐就未到，因為佢今日攝影班出外景，我地就去食住野等。

熊貓姐姐帶左我地去試新野，呢間係食台式食品，佢食過一次晚飯，但台式飲品唔係好得。我地吃完開心果姐姐就到，所以冇影到佢食乜，佢經我介紹都吃左個〝台式肉燥鎮江骨飯〞。

台式滷肉肉燥飯：我order的，伴菜芽菜好有麻油味，若果再淋D就更加好，起初冇將肉燥撈勻唔夠味，落左豉油，但撈勻後就美味，滷肉又唔〝鞋〞，份量又多，總之好味。

新竹米粉：熊貓姐姐order，揀左兩款餸雞翼、貢丸，米粉係幼身，雞翼比較細隻，我吃左一隻冇乜特別，但佢話米粉好吃。

高雄米線：老公與高達叔叔都係叫呢個，但兩個都係揀唔同配搭。老公覺得唔好食，高達叔叔話OK，米線好過譚仔添啵！因為老公話米線唔夠淋，而高達叔叔就夠淋。老公要炸菜厚切午餐肉，但午餐肉一D都唔係厚切囉！

上星期我買左件新衫，我覺得OK，但老公話我著左好肥唔好睇，令我好擔心唔敢著，但我有D質疑，所以我今日專登帶埋出來試比熊貓姐姐和開心果姐姐睇，佢地話好睇，係肥但唔係好肥，差D被老公打擊到我既自信心添！

我地打馬吊通常都係叫外賣，但就唔會好似好蘇咁邊食邊打，我地係會為食而停工。今晚叫左5個餸，每個餸跟一碗飯和湯，湯係西洋菜湯，熊貓姐姐話平時堂食好味，今晚就遜色左D。我唔吃梅菜扣肉，都吃左一舊，味道都唔錯，係鹹左少少，但佢地唔覺，個個都話好味，其他幾味都唔錯。