農家意粉

今日相約熊貓姐姐陪我去街買衫，上星期六見到有D衫想買，但想人比意見我，問老公實話唔好睇。我地去到一間舖，我揀緊牛仔裙，售貨員介紹左條特價比我，佢話幫老闆倒米，仲要係得一件，最難得係我啱著，熊貓姐姐都好鍾意我果條，跟住熊貓姐姐又買左件衫，佢覺得相比我果條就抵好多，我地擾攘左好耐先走，最後大家都冇收穫，熊貓姐姐留低左電話有好野就會通知。

前幾日睇TVB有個節目，訪問講以前〝農場餐廳〞老闆，佢又再次開舖，講佢第二舖時，我一睇就知係邊，平時都唔為意係佢來的，所以今日係附近行街，等埋老公放工，晚餐就幫襯一下佢喇！

門口果個就係餐廳老闆喇！我地入去呢間唔上係餐廳，仲有買文具，又有買零食，真係物盡其用。老闆就介紹吃晚餐A、B或C，就可以有一盒蛋卷，呢D容後再談。我地睇過晚餐都可以啵！我地真係叫晒晚餐A、B和C，老公叫既A餐最遲到，佢仲話人地係咪遺忘左呢？晚餐都係68蚊一款，凍、熱飲都係加3蚊，另外想食班卓戈，加3蚊或5蚊，睇下你想食邊隻。

我地一路食一路讚，熊貓姐姐最憎食用鬆肉粉嗱過既牛肉，老公與她情願食靭、鞋，都唔要食嗱得好勁既牛肉，呢到就冇嗱喇！而且有牛肉味。我發現今次大家都讚口不絕，難得連老公都讚嘛！但老公怕佢keep唔住個水準，下次再去試下。

我已經再去試左，大為失望，詳細內容請到〝失望晚餐@農家意粉〞，大家可以自行考慮去不去試下。

餐湯有3款，分別為：羅宋湯、忌廉雞湯和海鮮南瓜湯，我地當然叫正路野喇！老公既〝忌廉雞湯〞真係有雞絲架！而家出面邊有架！我地既〝羅宋湯〞夠酸，酸得來又好味。

晚餐A~大蝦併黑椒白菌牛柳 (6安士)：老公話好肚餓，但又係最耐到，來到件扒佢話細件，但係我地覺地牛柳就係咁架喇！我覺得大件過出面餐廳。老公試晒3款牛扒，話最好味係佢既牛柳，熊貓姐姐都試過牛柳，都話好味，我試左唔記得咩味，隻蝦又新鮮。

晚餐B~紅酒海蝦巨型T骨扒：係我order架！Waitress一拎來，我地就〝嘩~好靚丫！〞，個Waitress都話佢做咁耐最靚係我呢塊。我塊T骨與隻碟差不多大，塊扒好味，好有牛肉味。我分左一隻蝦比老公，兩隻都好新鮮。

晚餐C~大蝦併巨型澳洲西冷扒：熊貓姐姐order，影相好似好細件，但其實都有份量架！隻蝦好味又新鮮，雖然煎到有點〝鞋〞，但熊貓姐姐情願咁，好過用鬆肉粉嗱到好勁，須〝鞋〞仍然好味。

熊貓姐姐話煎得咁靚，叫我影返一幅相表揚下。

頭先講過吃晚餐A、B或C，就可以有一盒蛋卷，就係〝鳳凰卷〞，熊貓姐姐常要正常味，但得藍莓味和荔枝味，最後佢揀左藍莓味，我就每味一盒。

我地等食既時候，老闆係我地旁執貨，介紹呢盎腰果，佢話〝吉之島〞買緊RMB38，但佢就買HKD35，我地買就HKD30，但只限一盎，後來老公又想要，老闆免為其難HKD30賣多盎比我地。我地有個疑問〝吉之島〞買緊RMB38，點解係人民弊呢？唔通係大陸既〝吉之島〞？

我都唔知exactly地址，間舖係葵涌廣場頂層，頂層有好多吉吉野食果到，去到就會見到間舖，我下次去再睇下個地址先。