減產@邊爐鍋

8 November 2008

今日約左朋友去佢家附近交收，個朋友係某大牌子做Merchant買運動服會平D，所以我托佢買，當然仲有家人和朋友份喇！

佢囡囡早上要學琴，然後2點半要返Playgroup學英文，所以就約2點半，我地去到又未夠鐘，而老公又話肚餓，所以我地就去包吃，老公仲買左我喜歡的〝Qoo〞飲，我當然冇飲。

佢帶埋囡囡一齊來，原來Playgoup係2點15分開始，佢攪錯左2點半，平時係由老公帶，但老公出外工幹。我地坐低睇下D衫，又傾下計，我見囡囡好開心，朋友話緊係喇！佢唔鍾意返Playgroup，老師係外國人或ABC不懂中文，不過，今日唔返明天都要返。我又送左〝雙色旋風〞比朋友，我見朋友收到好開心，我都開心。

熊貓姐姐都係住果區，之後就約佢食野，大家食茶餐時諗今晚食乜？熊貓姐姐提意打邊爐，老公就約埋高達叔叔一齊打。吃完就去買材料打邊爐，好耐未去過咁多人既街市，買齊就回去清洗嘞！

熊貓姐姐換左〝麥麥〞劉德華設計既〝熊Bear Bear〞，之前老公都想換架！可怕我一直都病唔吃得，老公又唔鍾意食，所以老公放棄左。

我都有一塊〝米奇砧板〞係熊貓姐姐送，佢自己都訂左，仲用緊添！我真係唔惜得用。

熊貓姐姐男朋友唔喜歡打邊爐，所以叫左外賣比佢。我地預備好一切，煲埋個湯底，只欠高達叔叔，一到來就可以開餐喇！仲有飯後生果〝無核提子〞。望落好似唔太多野，不過，都有食剩，只係留返丸和菜，呢D緊係由屋主保存喇！

我地去凍肉舖買肥牛有好多款，最貴98蚊/磅，我地就買左第二和第三貴，每樣一磅，左邊78蚊/磅，而右邊58/磅，cheap果隻冇乜人吃，幾乎冇郁過。下次買一磅都得，一碟都吃不完，我打包左回家。我呢排都可以keep到磅數唔上升，唔想前功盡費，所以比平時食少左。

頭先拎既運動裝有套係熊貓姐姐男友，佢人高試左長度差D，但高達叔叔就啱身，咁就讓左比佢，我就再幫佢訂過。我見買左衛衣，又有size就比佢地試下，佢地試左又落左order，當然夾雜埋其他款式。

我食飽飽諗住郁動下去洗碗，熊貓姐姐話佢知點野擺邊會快D，我突然想打麻雀，我提意跑馬仔，大家冇議意。打得真開心，平時打得大會好傷神，而家打雞糊吃得，仲劃一收費出沖4蚊，自摸2蚊。

有一舖熊貓姐姐出沖，而老公被高達叔叔截糊，自此就有一炮雙響或三響。老公第一個比一炮雙響，付給我與高達叔叔，而第二個就係我，付給老公與熊貓姐姐。我掛住睇〝嗚門〞第一次食炸糊，我只係賠比老公啫！之後熊貓姐姐幫我錄起，跟住燒左隻碟比我拎走。

熊貓姐姐男友有玩War game，呢個就係佢個背心，嘩！好鬼重架！我想試下拎時，佢叫我唔好拎會整到條腰，要孭咁多重裝備，真係好辛苦。