唔夠喉@羽毛球

今日約左開心果姐姐和佢個同事打羽毛球，我book左今朝9點，因為打完波先食野，我就煮左個米粉吃，跟住叫老公起身，然後再吃藥。我地差不多9點先出門口，因為我預錯時間，好在住得最近行幾分鐘就到場館。

我諗住攞場喇！點知前面個人唔知攪乜，等左好耐都未得，老公話入去打住先，打打下有工作人員問有冇book場，我就立即出去攪，前面有人又係等左好耐，我問可唔可以打完先，又話唔得，好在有個職員專登開另一個counter做咋！

大家都好耐冇打波，以前都有朋友話過我，打波好似跳舞咁，到而家年紀大都係咁改唔到，但打完我都覺得未夠，仲想再打，但係場full晒！有半邊場book左練排球，大家就係場內傾下計，我抖涼D先去洗白白，抖左半個鐘就與開心果姐姐入去洗白白，跟住就去食早餐。我心諗之後有2場都係book左1粒鐘，我實唔夠皮，但可能其他人夠，有機會就book兩粒鐘先。

老公話頭先你地入左去時，有個排球〝省〞過來，同事問可唔可以打幾球？佢地真係受埋佢玩一陣，同事以前讀書年代係校隊，我諗佢可能手痕。

我係冇羽毛球拍，所以借用開心果姐姐塊拍，打打發現對手變左色，連手指甲都裙左綠色邊，老公用自己塊拍，但有少少脫色，黑黑咁喇！後來開心果姐姐發現自己隻手都有少少色。

吃過早餐後，同事要走，老公就拎晒D拍回家，我與開心果姐姐去行街。我又去睇下對鞋有貨未，店員話剛裝修完和星期六關係，要星期一先有，咁唔差在等多2日，到時真係無我就攞返錢，橫掂我上星期都買左對鞋。

今次我只係買左件衫，開心果姐姐就收穫豐富，買左DVD戲、一套韓劇、一件衫和包羽毛球拍柄既膠帶。店員話你打完立即收埋，再到某年某月某日再拎出來，緊係會〝霉〞喇！打完波要將塊拍，暴露於空氣中一夜先好收埋，咁樣就唔會架喇！我地行完，開心果姐姐就買佢最愛〝香蕉pancake〞吃。

開心果姐姐上左我地家坐一陣，我就執返打波既野，佢地兩個就係到包拍，開心果姐姐有3塊包左2塊，有剩老公又包埋佢自己果塊，下次就冇問題喇！坐多陣開心果姐姐要回家，然後溫書，再返學。

老公話肚餓，咁我與老公陪開心果姐姐行去巴士站搭車，我地就去〝美心〞食茶餐，再行回家。老公返到去無耐就瞓左，約8點起身可以睇到少少〝係咪少兒科〞，都幾好睇。老公問食乜？唔知，我又唔肚餓，所以十點先落街吃，其實，我都未餓，可能老公餓，去左吃粉。食左藥喉嚨冇尋日咁痛，所以食粉都冇落至愛既辣椒油。