恐怖的夢

今朝發左一個〝恐怖的夢〞，在夢中我係置身於半醒狀態，因為我感覺到需要去
〝殊殊〞，夢就因此而完結，起身望下個鐘6點鬆D，解決完係床碌左半個鐘都未瞓得著，個心仲好驚添！以前我都試過，有時發恐怖既夢，我自己在夢中會爭紥起身。

我身在辦公室，稱它做〝A辦公室〞，辦公室內有好多人，突然身在另一個位，感覺係另一個辨公室，但係同一間唔同層數，稱它做〝B辦公室〞，跟住又去返〝A辦公室〞，然後我接到阿媽電話要我調去另一個位，個位係頭先〝B辦公室〞果個。

我在位內睇書，未睇完一本又再睇另一本，而旁邊好似有個男人，然後我起身見到個〝B男人〞，〝B男人〞話：『我旁邊既人，你肥阿哥話佢係〝強姦犯〞。』，佢仲話帶我走，個壞人跟我地一齊行。

備註：〝B男人〞~面形瘦削，中等身材，男仕既標準高度，頭髮長度就好似以前〝依麵〞長髮咁。

一秒間變左室外~夜晚，除左〝B男人〞和壞人，仲多左肥仔與我一齊行，雖然我係行緊，但係亦係多一個身份，企係某一個地方望到四週環境，環境有條小路、樓梯、樹、鐵絲網，而且有一盞綠色桂既街燈，都好光亮。

行到就到馬路時，我覺得佢地唔係好人，所以就叫肥仔與我一齊向馬路跑，找安全地方，我邊跑邊向後望，見到佢地慢慢行有傾有講，我覺得佢地係知道我地逃跑，但並沒追來。

我仍然跑緊，向前的馬路有少段比較暗，我左邊小路有架車駛出，我覺得架車係地盤既車，而右邊就聽到整路聲有黃色欄杆圍住，有地盤工人。當時我諗不可以找地盤工人、不可以上任車，因為佢地有可能都係與果兩個壞人係同一黨。

轉左去另一個晝面，有好多人，我走左入人群中，跟住老公與佢一班朋友，離開左人群後，老公班朋友一直行，我就與〝C女人〞和一個女仔一齊揸車，我望後見到後兩架車個〝B男人〞係車內，但佢打扮斯文，仲帶住眼鏡，老公唔走係車頭前問我咩事，跟住個〝B男人〞行過來，我地追逐左一陣。

備註：我坐果架車，係得塊白色板棟企係前面，四邊都冇遮擋。

去到一間屋，間屋內有〝B男人〞和〝B女人〞，〝B女人〞坐係碌架床下格，前面有張深啡色條紋舊式摺檯，個〝B男人〞由床行開講電話，有個〝C女人〞由廚房拎住碗湯行去張床到比個〝B女人〞，唔記得咩事個〝B女人〞鬧個〝C女人〞，〝B男人〞見此就行過來想打個〝C女人〞，突然房間有個〝D男仔〞走出來，〝D男仔〞隻左眼係受左傷。

備註：〝C女人〞即係頭先既我，但唔知點解角色變左由另一個人做；而〝D男仔〞即係頭先肥仔，而家又由另一個人做。

我睇到〝D男仔〞右邊有間房，房內有些人係張床上，而有一個人係梳化上半躺臥，佢地都流緊血，而且受左重傷，佢地全身都係紫白色的，我直覺話我知係流血流成咁，係梳化既人仲有隻狗係佢身行落地，我忘記左佢同我講乜，跟住個鏡頭就Zoom遠左，我望到頭先張碌架床既床底，又有幾個全身紫白色既人，佢地係到吸煙，有一個仲瞓左係到，個肚到有條抽油煙機既錫紙喉連住，呢個人只係見到下半身，上半太黑睇唔到，然後有個好細粒既人吸完煙，就將啖煙噴落條喉到。

又到另一個地方，〝B男人〞瞓左係到，而我、肥仔和阿B就係張墊到，阿媽就企係我身後旁邊，我就用把尺度野，仲記得度左係〝11吋半〞，跟住〝B男人〞就彈起身，嚇到肥仔彈開瞓左係地，地下有把拉尺和紙尺，〝B男人〞就用拉尺度肥仔，阿媽就不斷後退，之後走左，我覺得佢係去搵救兵。跟住〝B男人〞又走去塊電路板前控制某D野，我感覺到D野係我右後方來的，我執起地下的電路板，將佢一分為二，然後又走去〝B男人〞前，又整爛佢塊電路板。

夢就到這裡完結，雖然，唔係成個夢都記得，但有好多晝面都仲記得清楚，夢有好多地方都係一半光一半黑。我都知〝日有所思，夜有所夢〞，但係呢D野與我平時既生活都不相同，而家個心仍有害怕，因為個夢比左一個不好的感覺我。