大少奶的自悠煮意生活

有一次行書局見到〝大少奶〞本書面世，但怕老公唔準買，因為我買左好多烹飪書，所以冇提過。

今晚打完波食完飯，就各自回家，但食飽飽唔想咁快回家坐，老公就話去睇巴士，咁我就話去書局睇書，查實我係想買〝大少奶〞本書咋！

老公陪我去左〝三聯書局〞，但closed，跟住就去〝大眾書局〞，其實，今朝去過〝大眾書局〞係冇〝大少奶〞本書，但都去行下喇！

我由由頭睇多次見唔見〝大少奶〞本書，但都係冇，我唔心息，去睇埋圍住條柱果D書，果然被我搵到，我就拎去同老公講話買，我見佢個樣唔多想，樣雖然唔多想，但都首肯，再陪老公去〝80M〞睇巴士，明天可能要陪佢去〝九巴士客戶服務中心〞買巴士，可能係咁佢自己要買野，所以準我買本書，因為佢既巴士貴過我本書咁多。

書名：大少奶的自悠煮意生活

作者：大少奶

出版：青馬文化事業出版有限公司

售價：HK$68-