腸胃炎@9‧11‧2008

9 November 2008

今日又痾又嘔，全身無力，而且酸軟，又瞓得唔好。

0700-0800

今朝7點幾feel到個肚好餓，緊係尋晚打邊爐食得飽得滯，係床碌下諗住再瞓，點知碌碌下肚痛，立即要去攪掂~肚痾，然後再瞓過。

0800-0900

feel到肚餓，又想嘔添！立即衝入厠所，嘔返尋晚打邊爐既野，個人本來好熱，嘔完個肚唔覺餓，但個人變凍，繼續瞓。

0900-1000

電話響，碌落床聽，阿媽來電問今晚回娘家吃飯嗎？相隔不到半個鐘肥仔來電，佢話佢一陣都會上肥阿哥到，跟住我就又痾又嘔，嘔食物和胃酸出來。

1000-1100
10點幾老公起身去〝殊殊〞，之後我話佢知，咁佢就冇瞓過喇！我就瞓下醒下咁。老公〝meet〞都包我吃又比水我飲，但係我好難先吞到落肚。

1100-1200

11點幾又想嘔，仲連續嘔左2次，嘔返D包和暖水出來。我見嘔完個人好D，就立即動身出發肥阿哥家，因為要拎衛衣比肥阿哥和肥仔試，順手比埋2條運動褲娣婦。

我與老公係家樓下吃早餐，肚餓唔想食野，都係食左半碗通粉，老公食〝星州米，我聞到佢碟野想嘔，叫老公拎開D吃。佢地試左我再落order，阿嫂見娣婦條運動褲OK，又落多條，但未必有同款，我坐左一陣就回去瞓。

我瞓下醒下，又係床碌下

，捱到4點幾去左睇醫生，探熱後

燒到102度幾，醫生話我〝腸胃炎〞，可能打邊爐食物唔夠熟，不可吃奶類食物，要吃得清淡，藥不用吃晒，若然冇事就不用再吃。在外等候時我對老公講，我應該係〝腸胃炎〞或〝感冒菌入腸〞。

我想吃橙離開診所去買，頭先問左醫生可以食。回到家吃完藥，記起朋友今個星期出trip，所以打埋個電話落個order先瞓，6點幾另一個朋友來電傾計，老公就瞓覺，可能食左藥個人好左D，之後就

，再去

，然後就整個湯底煮烏冬。我叫醒老公起身洗白白，我怕佢繼續瞓又要洗頭，有排先有得瞓。我食完烏冬老公幫我

，之後佢落街買野食，佢8點幾洗完白白，夜晚11點幾個頭都未乾，頭先繼續瞓都唔知點。

上星期飲茶時，我問肥阿哥下個月去唔去影相，我話用老公部單鏡菲林機影

，佢怕我駕馭唔到佢，因為我係一個門外漢，佢話借佢部〝Nikon D40〞我用，我話唔好喇！有事咪死，跟手佢話買部新既，哦~佢想換機。

尋日肥阿哥搵過我，佢會將部〝Nikon D40〞擺係娘家for全家人用，佢買左部新機，原來上次佢係講真架！

今日去肥阿哥家見到部新野~〝Nikon D90〞，肥仔頭先用部〝D40〞影左相，叫我拎住睇相，今日部機對我來講真係好重拎唔起，肥仔拎住比我睇。

兩部相機咁樣睇都睇唔到有咩分別。