榛果曲奇 (內附食譜)

我一早想整〝榛果曲奇〞，亦都買晒榛果和榛子粉，但一直都的不起心整，終於今日整左喇！我整左呢個食譜2倍份量，因為星期二約左班朋友一齊去露營睇〝流星雨〞，諗住整D小吃去。

我今朝已經整左〝一口蛋糕仔〞，落完街食野，再買鮮奶就回去開工。平時老公係第一個試食，頭先佢左，由我來試吃。唔係全部拎晒去架！留返D係家，明天又會拎D回娘家。

我：好鬆脆，好似食緊〝金沙〞咁！
老公：好食，但唔識講點好食，食完一塊又一塊。

榛果曲奇

食譜來自：自家製曲奇小蛋糕~Home-make Cookies & Petit Cakes

材料：(份量約12-15塊)

無鹽牛油              50克

糖粉 (糖霜)          25克

牛奶                      6克

低筋麵粉              70克

榛果粉                  18克

榛果粒                  15-18粒

做法：

1.          榛果粒先入焗爐以190度焗約10分鐘至果皮裂開即可，放涼後捽去果皮備用。

2.          牛油於室溫下軟化，用電動打蛋器加入糖粉打至鬆發變白。再加入牛奶打勻。

3.          將已篩過的低筋麵粉加入打勻，再加入榛果粉用手拌勻成麵糰。

4.          麵糰用保鮮紙包好捏成小圓柱狀，放入雪櫃冷藏約1小時至硬身。

5.          取出打開用刀切成小塊，排放在焗盤上；將榛果粒分別放入每片小塊中間，放入焗爐以170度焗約20-25分鐘便成。

小貼士：

l        放入榛果粒時宜輕放稍微按下，太大力會容易弄至餅面破裂。

自家心得：

l        榛果粒焗左一次摔唔甩果皮，可以再次入爐焗，但要留意小心榛果粒過燶。

l        出爐後要小心，因為榛果好易甩掉，若要送禮適宜獨立包裝。