感冒菌入腸

尋晚7點幾我與娣婦傾電話，得知阿B朝早好扭計，
成個人都好掹，狀似身體不適，所以冇返學，頭先仲肚痾添！

之後娣婦再來電，阿B係我地頭先掛線後嘔，而家瞓左，
我望下個鐘都係9點幾咋啵！咁佢應該真係好唔舒服，
不過，若然明天冇事都會比佢返學，咁我就湊學。

今朝8點幾娣婦來電阿B都係冇返學，跟住阿媽十點幾來電，
而家與娣婦一齊帶阿B睇醫生。我11點幾問娣婦，阿B病況如何？
我聽完，都唔知係咪我傳染阿B，有D內疚、唔開心。
我不停問娣婦係咪我傳染比阿B，佢話醫生冇講，因為唔係前2次睇果個男醫生，
去到佢個診貼左張紙放假，要下星期先返，所以都係睇返個女醫生。

感冒菌入腸、喉嚨有D紅、鼻有D塞，可能感冒菌入腸影響有D腸胃炎。

阿B吃著我整既蛋糕，食得好開心。

晏晝我係廚房燜牛腩，
突然聽到老豆好大聲話〝阿B你又整爛，阿爺買比你D車都爛晒咯！〞，
我攪掂一part後出廳見到阿B〝鬱鬱不歡〞，叫佢又唔應，
做什麼都沒反應，一眼都不望你。

我行埋去講〝咕媽買過比你喇！好唔好？〞，
佢〝嗯〞一聲就冇事喇！繼續曳曳。

阿B不停砌不停砌，越疊越高，但積木未砌晒就跌左，
佢就發脾氣，可能唔舒服喇！平時都唔係咁既。

佢砌緊呢副野係我2、3年前買，都幾好架！可以動下腦筋