獅子座流星雨@2008準備

明天和後天我和老公都會與朋友去露營睇〝流星雨〞，今次係老公個大個仔第一次去露營。

上星期初朋友來電，通話我知明天約定既時間和地點，而且分配好每人負責要帶既野！我和老公負責帶刀、砧板和紙巾，但係我既刀和砧板都唔帶得出街，朋友就借比我。

上星期尾早上朋友返工前做交收，借砧板和刀點解會有咁大袋野既？因為老公冇睡袋和地席，我順手借埋，仲有Pattern紙係用來墊營地，去過露營既人都知，地下會好濕，墊左野個營唔會浸水。

尋晚已經大概執晒D野，但有D仲係娘家，明天回去拎埋先。老公問我要帶D乜野，咁又係佢冇經驗嘛！我又可以扮下博士咁喇！哈~哈~

睇下2個睡袋size差幾遠，大的係肥阿哥，小的係朋友借；地席小的是我的，大的係朋友借，以前間中都會去露營，所以就買左個背囊和地席，睡袋我唔敢買，因為睡袋唔常用，而且又貴D嘛！所以唔投資咁多，與老公一齊後都冇去過。

尋日我整左〝榛果曲奇〞、〝一口蛋糕仔〞，預備明天同朋友一齊吃，而今日又整左〝輕盈莎莉蛋糕〞反應唔錯，所以帶完阿B返〝協康會〞又整多個，仲比之前整既好添！

我攪錯左阿B去〝協康會〞時間，以為4點原來係3點，所以2點就趕回家。今日肥仔與我一齊去，我趕到娘家後，又趕住執埋去露營既野，上年既外套唔啱著，唯有拎新既去，好怱忙咁就出門口。

我諗住帶〝Mr. Bean Bear〞去影相，上到的士先記得忘記拎，肥仔叫我一陣回家拎，我諗住算唔拎喇！到落的士見到自己冇左隻介指，哎呀~頭先執野除低左，今次唔返唔得喇！

阿B上完堂，我回到娘家一望就見到條Key，頭先太急Key都冇拎，好在返轉頭唔係既話就煩，拎回介字和Key就走人，等〝車立〞時記起未拎〝Mr. Bean Bear〞又折返，我等左好耐都冇〝車立〞，最後又折返，因為我要搵對我好有紀念價值既〝米奇〞，但兩隻都拎走左，未決定到帶邊隻去，當然想2隻帶晒喇！但老公實鬧，米奇呼聲應該係最高既。不過，我怕拎出來會嚇親朋友，以為我傻傻地。

今晚老公要O.T.，仲要O到9點，然後又要去老爺到，咁我一陣自己再double check行裝。明早11點係西貢等，仲要飽肚，尋晚老公話係西貢食早餐，老公實夜返，都唔知明天會唔會一叫就起身，我怕食唔到早餐，因為我唔餓得架嘛！而且又唔想遲到呢！

左邊係老公既行裝，而右邊係我既行裝，望落背囊size差不多，但係我個係system 25，而老公係system 450，睇下容量差幾遠。老公唔去露營點會有咁大個背囊？因為佢N年前去日本就係用佢架喇！之後去台灣都用過一次，跟住就長埋黑暗中。