悠閒逛書店

今朝諗住食完米粉就落街整D野，但電視播緊韓劇〝薯童謠〞既劇情好吸引，平時都不太好看，編編係我趕時間就好睇，因為想係lunch hour前攪掂晒，因為我怕街太多人，我睇到11點就落街。

我先先去郵局交左煤氣費，再行去買羽毛球預備今晚打波用，之後再行去〝大眾書局〞，因為我見近排有好多人整〝口金包〞，我問左Blog友邊本書有關〝口金包〞，佢有2本書都係全講〝口金包〞係〝大眾書局〞有售。

我就係書局邊打書釘邊搵，我睇到有本教整袋，書內其中一款係〝口金包〞，但係唔多詳細，睇晒所有都冇果2本，我之前抄低左個書名，就叫店員幫我check，2本都售罄，其中一本係唔會再入貨，另一本就要問代理商有冇貨。跟住又睇下烹飪書、攝影書、行山書。

頭先等check書時，見到上次〝豪食@和花亭〞時買左2款DIY蛋糕，我就揀多2款，雖然上次果D都未整，不過，都唔係貴拿來消磨時間都好丫！

我再向〝三聯書局〞進發，今次搵多樣野，就係上面既DIY蛋糕，但係呢間冇得賣。我去睇手工藝書，但睇晒全部都係冇，再去睇烹飪書，然後再去睇行山書、介紹香港書，但全部都一無所穫。

我就慢慢行回家，速度與我身邊既人好大分別，所以我要慢慢享受一下，因為出年可能又要返回上班一族。回家途中諗一陣整乜好呢？唯一打發時間就係整餅，但又整乜好呢？仍在考慮中，不過，都唔知會唔會整，可能我懶得滯拖到夠鐘打波都未動工。